منتديات قمر حواء  

 

العودة   منتديات قمر حواء > منتديات ادبية - شعرية > قصص - حكايات - روايات - Stories

 


رواية من الظالم انا او الزمن ؟!!؟ رومنسيه كامله

إنشاء موضوع جديد  إضافة رد
 
أدوات الموضوع
  #1  
قديم 10-07-2010, 10:22 AM
قمر حواء جديدة
 

 

Saudi-Arabia







Icon22 رواية من الظالم انا او الزمن ؟!!؟ رومنسيه كامله

رواية من الظالم انا او الزمن ؟!!؟ رومنسيه كامله ,

[LEFT][FONT=Arial][SIZE=1] [URL="http://vb.lm3a.net/"][COLOR=white]منتديات[/COLOR][/URL] [URL="http://www.flashxaddictingxgames.com/"][COLOR=white]flash games[/COLOR][/URL] [URL="http://forum.hawamoon.com/"][COLOR=white]حواء[/COLOR][/URL] [URL="http://www.q8yatclass.com/"][COLOR=white]كويتيات[/COLOR][/URL][/SIZE][/FONT][/LEFT]

الجزء الثاني :
الفصل الاول:
صقعت في الطاوله اللي كانت وراها وطاحت الفازا على الارض
:بسم الله الرحمن الرحيم
لورا اللي كانت تطالع في الفازا اللي انكسرت لفت عليه لمن سما
استغرب وجودها من هذي بس سكت وهوه مستغرب منها
لورا همست بخوف وبكلام مو مفهوم وملخبط:ا.. اسفه ماكان قصدي اكسرها بس انا جيت عشان السمك وماادري انه في احد...
سكتت لانها حسة نفسها هبله وكلامها ملخبط وهذا لساعه يطالع فيها ويطالع في الفازا اللي طايحه ومكسوره والورد على الارض
نزلت لورا على الارض وصارت تلم القزاز
همس بصوت ساخر:بعد ماكسرتيها جايه تلميها خلاص سيبيها ماتتصلح بعدين انت كيف تدخلي غرفه مو ليك اهلك ماعلموك انه قبل ماتدخلي تدقي الباب وتستاذني ولمن اصحاب المكان ياذنولك تدخلي ذيك الساعه تدخلي
لورا لمن شافته يتفلسف وقفت هيه متاكده انها غلطانه بس هيه اعتذرتله ليش يكلمها كذا:انا قلتلك اسفه
:وين تنصرف اسفه بعد مانكسرت الفازا
لورا:طب يعني بالله ايش ريك الصقها لك بطلك سخافه الفازا غيرها عشره
:لاوالله داخله غرفتي وتفرجتي على كيفك وكسرتي الفازا وكمان تطولي لسانك يعني شين وقوي عين
لفت لورا بتطلع ومشيت وهيه تقول:انا اعتذرتلك قبلته كان بها ماقبلته بالطقاق
عصب منها راحلها ومسكها من كتفها ولفها عليه قبل مايتكلم انفتح الباب
وضحى:فاااارس الحمدالله عل ...
انكتمت لمن شافت فارس وبين يدينه لورا ويطالعو فيها الاثنين حطت يدها على فمها بصدمه
فارسهذه دحين ايش بتفكر مستحيل تصدقني لوايش ماقلت خاصه واني دوبني واصل من بريطانيا يعني اكيد تفكيرها راح بعيد دحين تقول هذا صاع في بيرطانيا وجا يكمل في بناتنا
فارس بعد عن لورا:وضحى اسمعيني افهمك
وضحى دخلت وسكت الباب وراها:ايش تفهمني وانت يالهانم ايش دخلك هنه
لورا رفعت حاجب:دخلت متلخبطه في الغرف عندك حاجه غير هذي
وضحى:ايوه عندي انا بعلم خلود تكلم وليد
لورا ابتسمة:علميها وايش بيصير اناواثقه من نفسي وماعليه لامنك ولامن وليد ولامن خلود
فارس استغرب ثقتها الزايده هوه الولد ارتبك :وضحى اجلسي وانا ببدل وبعدين افهمك
لورا:مولازم تفهمها اناعارفه انا ايش سويت وايش قلت وكل واحد يشوف الناس بعين طبعه عن اذنكم
طلعت لورا وسيبت الباب وراهامفتوح
جات وضحى بتطلع بس فارس مسكها:وضحى لاتكبري الموضوع ترى ماصار شيء
وضحى بحقد:هذي المره جات عندنا وماصار شيء المره الجايه بيصير
وطلعت وطبقة الباب وراها
فارس رمى نفسه على السرير:ياربي انا ايش سويت لو خليتها تروح بس ماادري اناماوقفتها عشان الفازالانه اصلا الغرفه مو ليه والفازا ماتهمني بس حسيت بشي داخلي مانعني من انيي اسيبها تطلع(ضرب راسه بيده بقوه) ماادري في ايش كنت افكر بس والله واضح عليها انها قويه بس لحضه هيه بنت عمتي خلود لالوانها بنتها كان قالت ماما وبابامو خلود ووليد طب اجل من هذي ولوانها مهي بنت عمتي خلود اجل تصير بنت مين وليش عمتي خلود مسؤله عنها... بس خلاص كفايه تفكير قوم البس وانزل العيال كلهم تحت
لبس ومشط شعره وطلع من الغرفه سمع اصوات من غرفة عمته وضحى وكان واضح صوت وضحى طنش وكمل طريقه بعد ماقفل غرفته وشاف لورا وجالسه تضحك مع سعود ودنا
فارس:همه يتكلمو عليك وانت جالسه هنه تضحكي مع البزوره
لفت عليه لورا وشمقتله وتكلمة بثقه :اللي بيتكلم بكيفه انا عارفه انا ايش سويت وايش قلت ماعليه منهم
ابتسم فارس ابتسامه جانبيه وكمل طريقه:نسمع اخبارك الاسبوع الجاي انشاء الله هذا لو جيتي ماندري يمكن نحضر عزاك بكره
ودخل الاصنصيلياقلبي على العيون اللي تشمق حتى التشميقه من عيونها تجنن الاتذبح
اما لورا جلست على الكنبه وشافت خلود تطلع من الغرفه ببرود وتنزل تحت بالدرج
::
::
::
عندالرجال:
دخل فارس وسلم على الرجال وبعدين جلس عند الشباب
عادل وهوه يضربه في كتفه:ياحركات ياخطير ياللي جايب شهادة طب من بريطانيا
فارس:هههههههه شفت كيف ولداخوك احسن منك
احمد:والله سفرتك هذي سببتلي مشكله ابويه كل ماشافني ماشاءالله شوف ولد خالك مسافر بريطانيا يدرس طب مالت عليك ومن هذا الكلام
فارس:حركه صرت مضرب المثل عندكم
خالد:وبقوه كمان
قاطعهم صوت جوال احمد والكل لف عليه طلع احمد جواله وكملو الشباب كلامهم
احمد:هلا امي
فارس طش اذنه عند احمد لمن عرف انه قاعد يكلم امه وماعاد دري عن العيال
احمد:ليه عسى خير الوقت بدري
خلود:هوه الواحد يقدر يرتاح وعمتك معاه
احمد بهدوء:ليه ايش سوت لورا امي خفي عليها شويه تراك تحرجينها قدام اهلك
خلود بعصبيه:هذي لسانها اطول منها قرفتني الجلسه اناابغى ارجع مستحيل اجلس والحقيره هذي جوه
صوت خلود كان عالي فعشان كذا الشباب سكتو وصارو يطالعو في احمد بستغراب
احمد:طب خلاص دحين ابويه اكيد رجع خليني ارجعهاالبيت
خلود:وانابارجع عشان اعلم ابوك ايش سوت
احمد:يعني بالله ايش سوت امي اكيدانت مكبره الموضوع
خلود:لاماني مكبرته انت لو تدري ايش سوت كان انت ذبحتها بيدك
احمد رفع حاجب:خلاص خلاص لاجهزتو دقو عليه اطلع
خلود:بس انا ولورا ودنا اللي بنمشي
احمد:خلاص طيب
قفل احمد من امه ولف على عادل اللي قله:خير اشبها خلود تصارخ
احمد:عشان لورا امي مهي طايقتها وتبغاها ترجع اليوم قبل بكره
عادل:محد يلومها يااحمد اللي شافته امك من اهل ابوك مو شويه
احمد:بس لورا مالها ذنب لورا ايامها كانت طفله ليش ينتقمو من جدتي عن طريق لورا وجدتي خلاص توفت
عادل:همه ماينتقمو
احمد:هاه اجل ايش تسمي معاملتهم ل لورا بهذا الشكل
طبعا احمد وعادل كانو يتكلمو بصوت واطي بس فارس كان بينهم وعشان كذا سمع كل حاجه
عادل:هذا شيء ابوك يتحكم فيه ابوك كاره اهله بصفه عامه مو عشان امه لا هوه كاره حتى اخوانه وهذا السبب اللي يخلي خلود تعامل لورا بهذي الطريقه
احمد:يعني لوابويه من البدايه عامل لورا كويس ماكانت امي بتغلط عليها
عادل:بالزبط
احمد:بس والله تحزني حتى اكل ماتاكل اول حاجه تبغى تكلم توئمها تطمن عليها وابويه موراضيلها
عادل:الله يعينها بس عبدالعزيز مقهور منها
احمد ابتسم:اممم عشان عبايتها مطرزه وتخليها مفتوحه والطرحه على كتفها تعال شوفها واحنا طالعين كانك يعني بتسلم على امي
عادل ضربه على راسه:انت ماتغار عليها مخليها تطلع زي كذا
احمد:وانا اشلي فيها وهيه مهي بزره عشان اعلمها الحجاب وبعدين ابويه قال مالكم ومالها محد يكلمها
عادل:اهاااا عشان كذا عزوز ساكت ومرتفع ضغطه الف
احمد:يس... يالله قوم امي ذبحتني اتصالات
قامو احمد وعادل وفارس يغليهذا المتخلف ليش يخليها تطلع كاشفه لاوكمان يقول لخاله تعال شوفها لوانها بين يديني على جمالها هذا حتى يدينها اغطيها موبس شعرها ووجها بس من يفهم بعدين ليش عمتي خلود تكره اهل زوجها اكيد في سب وبصراحه مفهمت همه كيف يعاملوها
عادل واحمد راحو جهت السيارات وكان فيه وحده جايتهم راحلها احمد
احمد:اشبك؟!!؟
لورا:امك قالتلي اروح اناديك كويس اللي طلعت
احمد:لوانك دخلتي كان عزوزذبحك من غير قبله
لورا:ليه انشاءالله ومن هوه عزوز عشان يذبحني وبعدين اناماجيت من راسي امك قالتلي
احمد:ومن متى عزوز يفهم التبريرات
لورا:امشي بس امك لاتعصب علينا
احمد :اوكيه
لفت لورا ورجعت من مكان ماجات
احمد لف على عادل:هاه كيف؟!!؟
عادل:انت متاكدانها بشرموملاك
احمد:ههههههه شفت كيف تجنن
عادل:تجنن قليله فيهاهذي مايوصفها أي تعبير ياويلي انا كيف بنام اليوم
احمد:روح بس روح ياتعبان
عادل:اخ ياقلبي ذبحتني عمتك
احمد:ههههههههه يالله مع السلامه
راح احمد ل لورا وامه
خلود:بدري يااستاذ كان ماجيت
احمد:سوري بس عاد ايش اسوي اخذتني الهروج مع الشباب
خلود:امشي بس امشي
وركبو السياره السياره كانت هدووووووووووووووووووووووء
مل احمد من الهدوء وشغل المسجل ونطرب مع المسجل الين ماوصلو
نزلو لورا وخلود وحرك احمد رايح لعبدالله
دخلو لورا وخلود
خلود دخلت غرفتها على طول اما لورا ودت دنا ل اريني بعدين طلعت غرفتها قفلت الباب ودوبها بتتحرك الا تحركت الاكره حقت الباب بقوه وسمعت صوت ضرب قوي على الباب فتحت الباب اندف الباب ورجعت على الجدر صقع الباب فيها بس الصقعه كانت خفيفه دوبها بتفتح عينها الاجاها كف قوي طاحت على الارض من قوته نزل لمستواها وشد شعرها
وليد بصراخ:ناويه تفضحيني ناويه تخلي سريتي على كل لسان يابنت الكلب
لورا وهيه حاطه يداها على يده اللي شاد فيها شعرها:وليد والله اني ماسويت شيء حرام عليك سيبني
وليد:ماسويتي شيء هاه ماسويتي شيء بريئه يعني وحرمتي تتبلى عليك لكن انا لك والله لندمك على اليوم اللي دخلت فيه جده والله
وسابها وراح جهت الاب توب اللي كان يشحن وهوه عارف انه فيله اشياء كثيره تهمها ويكفي انه هديه من عبدالله اغلى انسان على قلبها سحب الاب توب ورماه باقوى مايملك وصار قطع قدام عينها:والله لاكرهك حياتك والله
وطلع وقفل الباب وراه
اما لورا راحت لجهازها اللي صار قسمين جلست جنبه وصارت تتلمسه بصدمه وانهارت تبكي هذا الجهاز كان يصبرها على بعدها عن رولا هذا الجهازفيه صورها هيه ورلا لمن تخرجو من المتوسط فيه مقاطع لمن كانو يروحو يتمشو مع عبدالله ولمن كانو يروحو الشاليهات وصورهم في حفلة عيد ميلادهم اللي سوها لهم البنات في مطعم وكمان لمن كانو يعصبو من مرت ابوهم كانو يسبو فيها ويكتبو السب في الجهاز ذكرياتها امنياتها كلها كانت مكتوبه في الجهاز كل شيء في هذا الجهاز ودحين راح راح كل شيء كسره وليد وكسر قلبها معاه بعدها عن رولا بكل ماتعنيه الكلمه من معنى على هذي الافكار حست لورا بالم في صدرها وكتمه وصارت تكح الين ماخفت شويه ورجعت تبكي بكى يقطع القلب وكالعاده نامت وهيه تبكي
::
::
::
::
::
احمد وصل الغرفه اللي دايما يتجمع فيها عبدالله والشباب وكان لابس بنطلون زيتي وبلوزه بيضاء وفيها كلام بالزيتي وريحت عطره تسبقه
احمد ببتسامه واسعه:سلاااااااااااااااااااام
ردالكل السلام وبعد ماسلم على الشباب سحبه عبدالله على جنب
احمد:بسم الله خير اشبك؟!!؟
عبدالله:ابغى اسالك عن احوال لورا
احمد ابتسم:لحد الان الوضع تمام ماصار أي حدث مريب
عبدالله:من جد ولا تكذب عليه
احمد:افا وانا ولد ابويه
عبدالله اتنهد براحه:عشني كلمت رولا وماكانت بخير تبغى تكلم لورا فخفت انه صار شيء
احمد:لاابويه حاطها فوق راسه بس موراضي يخليها تتكلم بالتلفون ايش السبب ماادري
عبدالله:المهم انها بخير
احمد:من هذي الناحيه لاتشيل هم ابدا
عبدالله: ريحتني الله يريحك
احمد ابتسم:امين
راح عبدالله عند العيال
احمدآسف عبدالله كذبت عليك بس ليش اشيلك هم وانا عارف انك مابتسوي شيء بس أنكد عليك.. لكن الله يكون فعونها
عبدالله:احمد ماتبغى تلعب
احمد نط:الااستنوني
وجلس احمد مع العيال كالعاده الين الساعه اربعه والساعه اربعه طلع
::
::
::
اليوم الثاني:
صحيت لورا ولقيت نفسها نايمه عالارض قامت وهيه تحس راسها بينفجر من يوم ماجات هنه مانامت نومه عدله دايما تنام وهيه تبكي
حطت يدها على راسها وهيه متظايقه من شعرها بس مافيها حيل تبعده عن وجها جلست عالسرير وهيه بتتجمد :اااااااااه يارب ساعدني
راحت جهت دولابها واخذت لها ملابس ودخلت الحمام تتروش وبعد ماطلعت من الحمام نشفت شعرها ومشطته ولمته ذيل حصان مع انها متاكده انه البكله ماراح تثبت بس شي احسن من لاشيء:اليوم بكلم وليد عالمدرسه شكله مايدري اني بكمل
نزلت لورا وكان المكان فاضي راحت للمطبخ وطلبت من المصريه تسويلها سندوتش طلعت الصاله وفيدها السندوتش تاكله على طلعتها وليد واحمد وعبدالعزيز كانو داخلين دوبهم راجعين من صلاة الجمعه سلمو وردت السلام العيال دخلو للتلفزيون اما وليد كان بيطلع غرفته نادته لورا:وليد
وليد لف:خير اصلامن وين يجي الخير وانت في البيت
لورابلعت الكلام معليه لورا اذا كان لك حاجه عند الكلب قله ياسيدي معليش
لورا:ابغى اكلمك في موضوع
وليد ميل فمه بس دخل الصاله اللي فيها العيال ودخلت لورا وراه وجلسو
وليد:بسرعه انابطلع انام نعسان
لورا اخذت نفس:ابغى اكمل دراستي
وليد ميل فمه:انا مامنعتك خلصيني ايش تبغى
لورا:انا قصدي عشان اجرائات المدارس ابغاك تشوفلي الموضوع
وليد:موضوع ايه واجرائات ايه روحي المدرسه اعطيهم الملف وداومي
لورا:بس انا قبل مااسحب ملفي مااخذت موافقه من المدرسه اللي بانقلها لاني ماكنت عارفه عن المدارس هنه وماني عارفه كيف حيقبلوني او لا
وليد وقف:بماانك سحبتي هذي السنه كملي الدراسه السنه الجايه
لورا وقفت قدامه قبل مايمشي:لابس كذا حتروح عليه سنه من عمري عالفاضي
وليد طالع فيها وهوه رافع حاجب:انت لك عين بعد اللي سويتيه امس تطلبي شيء
لورا عقدت حواجبها وطالعته بنظره واثقه:اناقلتلك امس ماسويت شيء
وليد بهدوء:وانااقولك موضوع الدراسه ماني مسوي فيه شيء تبغي بكره الصباح عندك السواق روحي معاه وسوي اللي بتسوينه لكن انا ماني مسوي شيء
وبعدها من قدامه وكمل طريقه
لورا جلست على الكنبه بقوه من كثر مهي معصبه:اوف
ابتسم احمد وقرب من عندها وهمسلها في اذنها:ولايهمك انا بكره اوديك مدارس جده كلها الين ماتلقي مدرسه تقبلك
لورا لفت عليه :بس اناماعرف اتكلم في هذي المواضيع يعني لودخلت ايش اقولها مااعرف
عبدالعزيز:خذي معاك الاء
احمد:ايوه صح انا اكلمها لك
لورا ضحكت:تمام
احمد ابتسم ووقف وقفل باب المجلس ولورا وعبدالعزيز يطالعو فيه مستغربين
احمد لف على عبدالعزيز اللي كان معاه ريموت التلفزيون:علي الصوت
عبدالعزيز:ليه خير
احمد:انت ايش عليك علي الصوت وبس
على عبدالعزيز الصوت ورجع احمد جنب لورا وطلع جواله دقدق فيه واعطاهاياه
لورا بستغراب:ايش فيه ؟!!؟
احمد وهوه ماد الجوال: انت خذي وبعدها تعرفي
اخذت لورا الجوال وحطته على اذنها جاها صوت الطرف الثاني ومتلت عيونها دموع
:هممممم احمد ايش تبغى خلص تراك مصحيني من النوم
لورا نزلت راسه وعيونها مليانه دموع
بس مستحيل تنزلهم لو أيش ماصار همسة:عبدالله هذا انا لورا
عبدالله اللي كان ميت نعاس جلس:لورا حياتي كيف حالك وحشتيني
لورا صوتها واضح انها بتبكي:اناطيبه بس مشتاقتلكم موت
عبدالله:يابعد عمري حتى انا مشتاقلك اهم شيء انت مبسوطه عند وليد
لورا اللي من سابع المشكلات تشتكي لاحد لومن كان:امم مره مبسوطه بس رولا اخبارها
عبدالله وصوته تغير وكانه يبكي لانه مو مرتاح من جلستها عند وليد حاس انه احمد يكذب وهيه كمان تكذب:المهم دحين انت... امانه لورا انت مبسوطه عند وليد
لورا:انت روحت ل رولا قابلتها
هنه عبدالله اتاكد انه في شي صاير في بيت وليد ونزلت دمعته على خده من حال اخواته:لا ماروحت بس كلمتها امس
لورا:كيف حالها بتداوم بكره
عبدالله اتنهد وهوه خلاص شايل هم لورا:لا تقول ماتبغى تداوم من غيرك بس انا بروحلها اليوم وبجلس عندها يومين لاني اخذت اجازه من الدوام
لورا:امم سلملي عليها وقلها تاكل وتسلملي على مها ورغد وندى ونهى ودلال
عبدالله:انشاء الله حبيبتي...
قبل مايكمل عبدالله سمع صوت دق على الباب وانقطع الخط لانه احمد سحب الجوال من لورا وقفله وقام عبدالعزيز فتح الباب وكانت خلود اللي رفعت جاجبها:خير الصوت ليش عالي كذا وليش مقفلين الباب؟!!؟
احمد:عجبنا الفلم وعلينا الصوت وقفلنا الباب عشان لا يزعجكم لو نزلتو تحت
خلود:اهااا
وقفت لورا وطلعت فوق طنشتها خلود دق الجوال احمد اللي وقف وطلع الحوش
بقي خلود وعبدالعزيز اللي وجه ينقلب لاصار قدامه حاجه ومايقدر يعلم
خلود:انتو ايش مسوين؟!!؟
عبدالعزيز وجه مقلوب:عن اذنك انا بطلع انام
خلود :والفلم الي عجبكم
عبدالعزيز:مره نعسان بطلع
وطلع من الغرفه
خلود:ابصم بالعشره انهم مسوين شيء
::
::
::
::
عند عبدالله :
استغرب انه الخط فصل فرجع دق وهوه يمسح دموعه
احمد:هلا
عبدالله:اشبه الخط فصل صار شيء
احمد:لاانا قطعت الاتصال لانه امي دخلت
عبدالله:اها طيب خلاص انالارجعت من المدينه ابغاك تجيني ولاتكذب عليه تقولي كل شيء يا... افاواناولدابويه
احمد:هههههههههه والله صراحه ماكنت ابغى اشيلك هم وبعدين كيف عرفة
عبدالله :اختي واعرفها اعرف لوانها كانت زعلانه من اسلوب كلامها لانها مستحيل تبين في صوتها
احمد:ماشاء الله عليك ياحضرة النقيب
عبدالله ضحك:هههههههههه ها اجل نقيب عالفاضي
احمد:الاتعال فيصل وينه
عبدالله:راح الصلاه ولساعه مارجع
ماخلص عبدالله كلمته الاوصوت فيصل العالي يسلم
احمد+عبدالله:ههههههههههههههههه
عبدالله يكلم فيصل:عمرك طويل دوبنا نتكلم عنك اناواحمد
فيصل اللي جلس عالكنبه:ليه تحشو فيه
عبدالله:لا بس احمد سال عنك الاانت دخلت
احمد:اقول تراك خسرتني يالله اقلب وجهك
عبدالله:ههههههههه يالله مع السلامه
قفل عبدالله من احمد وجلس على الكنبه بتعب وهوه مغمض عينه
فيصل ببتسامه وبصوته الهادي:صحيتك لصلاة الجمعه مارضيت تقوم
عبدالله ابتسم بتعب:دحين اقوم اصلي امس مانمت بدري يبغالي المره الجايه انام واسيب العيال ماينفع كذا
فيصل:اشبك تعبان؟!!؟
وحط يده على جبهة عبدالله:مافيك صخونه راسك يعورك
عبدالله هز راسه:لا بس خايف
استغرب فيصل :خايف؟!!؟
عبدالله يهز راسه وهوه مغمض عينه:امم خايف على اخواتي
فيصل:ليه اشبهم اخواتك سوتلهم مرت ابوك شيء جديد؟!!؟
عبدالله:لاهذي المره مرت ابوي خططت ووليد وابويه نفذو
فيصل:ليه ايش صار
عبدالله:ماادري بس فجئه كذا دق عليه وليد اللي عمره ماكلمني وبلغني انه ابويه بيفصل بين اخواتي لانهم غلطو على خالتي ومايبغاهم الثنتين يظلو مع بعض فقترحت عليه خالتي انه وحده تجي عند وليد والثانيه تقعد عند ابويه واللي فهمته انه لورا سبب الغلط بس رولا اللي تعرف انه لورا ماتقدر تفارق صحباتها قررت انه هيه تسحب ملفها وتجي عند وليد بس يوم الربوع غابت ليش ماادري وراحت لورا اللي انصدمنا كلنا انها سحبت ملفها ايش السبب ماادري وبالفعل جبت لورا لجده في بيت وليد اللي انصدمنا لمن وصلنا هناك انه ماعلم احد من اهله وبين لها انها شخص غير مرغوب فيه ماقدرت ادخل معاها مع اني كنت ناوي ادخل بس لمن شفت انه هذا اللي صار تراجعت وخليتها تدخل مع احمد ايش صار بعد كذا ماادري سألت احمد عنها امس وقلي انها بخير واليوم خلاها احمد تكلمني لانه وليد مانعها تمسك التلفون وهذا اللي مجننهم الثنتين
فيصل اتنهد وهوه يشوف دموع اخوه اللي ماولدته امه:ادعي ربك يفرجها ياعبدالله ماتدري يمكن هذا خير لهم وعسى ان تكرهو شيئا وهو خير لكم لاتكبرها ياخوي وصدقني بدعائك ربي بيفرجها لك انشاء الله ودحين قوم اتوضا وصلي الظهر وصليلك ركعتين تبعد الهم عنك واقرا سورة الكهف اليوم جمعه
وقف عبدالله وهوه يمسح دموعه ودخل الحمام يتوضا


آخر مواضيعي
رواية من الظالم انا او الزمن ؟!!؟ رومنسيه كامله
رواية من الظالم انا او الزمن؟!!؟ لاتفوتكم روايه رومنسيه رائعه


رد مع اقتباس
  #2  
قديم 10-07-2010, 10:28 AM
قمر حواء جديدة
 

 

Saudi-Arabia







افتراضي

الجزء الثاني:
الفصل الثاني:
في بيت اهل خلود
رجع ابوفهد(ابوخلود)ومعاه عادل وفارس ويصلو البيت وسلم عادل على امه وسلم فارس على جدته وجلسو ووضحى كانت جالسه وماشالت عينها عن فارس ومحد منتبه لها بس نظراتها كانت مربكه وفارس اللي يحاول يتناسى وجودهابس هيه ولاشالت عينها
ام فهد(ام خلود):فارس حبيبي بتروح تزور امك
فارس:ايوه انشاءالله اليوم
عادل:اول مره تقابلها بعد ماتزوجت هاه
فارس:لا اشبك قابلتها كم مره بس اقابلها في مطاعم بس اول مره اروحلها في بيتها
هند(اخت خلود الكبيره مطلقه):وليش بتروح بيتها هذي المره
فارس:هيه قالتلي تعال اتعشى معانا وقابل اخواتك ماعمرك شفتهم وعمك مسافريعني خذ راحتك
هند:ماشاءالله هيه عندها كم بنت
فارس:ماادري
عادل:واخذت لاخواتك حاجه يعني تعرف صعبه اول مره تقابلهم وهمه عارفين انك راجع من سفره
فارس:فكرت بس انامعرف اعمارهم وموعارف ايش اشتريلهم عشان كذا بطلت
ابوفهد:ام فهد كيف البنت اللي جابتها خلود
فارس رفع عينه وجات في عين وضحى نزل عينه على طول اما عادل ابتسم وهوه يفتكرها
ام فهد:ياحليلها ماشاءالله عليها
هند:اسم الله عليها تهبل تقول للقمر قوم وانا اجلس محلك
احلام اللي نزلت(بنت هند الصغيره):عن مين تتكلمو عني اكيد صح
عادل:مالت عليك انت تقول للقمر قوم وانا اجلس محلك
احلام:غيران عارفه
عادل :وععع اغار منك
احلام جلست جنب فارس:ماعلي منك بطنشك(ولفت على فارس ومدت يدها)وين هديتي لاتكون نسيتني؟!!؟
هند:ياربي من هذي البنت يابنت انت ماتستحين اعقلي شوي
فارس ضحك:هههههههههه ماعليك ياعمه احلام بنتي وهيه عارفه اني مانسيت هديتها اكيد
وقف ومسك احلام من يدها وطلعو غرفة عادل اللي هوه جالس فيها فتره بسيطه
احلام :فارس ايش جبتلي
فارس:اممم حزري
احلام تفكر:اممممم ........ماعرفت
فارس ابتسم:المره اللي فاتت ايش طلبتي مني قبل مااسافر
ضحكت احلام:دبدوب كبيييييييير
فارس:ههههههههههه يب دبدوب كبير ولونه ابيض مره حلو
احلام صارت تجري جهت الغرفه ووقفت قدامها :يالله بسرعه
فارس وصل وفتح باب الغرفه ودخل واحلام وراه وراح جهت الدولاب وطلع منه الدب وكان اكبر من احلام
احلام وابتسامه مرسومه على وجها:هيييييييييء هذا ليه انا واو يجنن
ونطت على الدب وصارت حاضنته وهيه تضحك
فارس فرح لفرحتها :يالله اجلسي فوقه اصورك
احلام :ايوه بسرعه
وجلست احلام في حضن الدب دوب وصورها فارس
على دخلت عادل
عادل:لاتصورها بالجوال خلاص احلام مهي صغيره كلها سنتين سنه وتغطي حتى عنك
فارس وهوه يمسح على شعر احلام بحنان:لاالا احلام مابغطي عنها حتى لوجابت عيال وجوعيالها يسلموعليه... الالاهاوش زوجها ذيك الساعه اخليها تتحجب عني
عادل:عاد الااحلام محد يقدر يبعدها عنك بس دحين تقابل اخواتك وتنسى احلام واللي خلفوها لانه هيه بطبعها حتستحي منك لاكبرت
احلام حضنة فارس وعيونها مليانه دموع :لافارس ماينساني لانه مافي ابو ينسى بنته صح
فارس ابتسم:اكيد حبيبتي لاتخافي
احلام رجعت لدبدوب بعدمارتاحت وصارت تطالع فيه :فارس كيف اودي دبدوبي الغرفه
فارس اللي كان جالس مع عادل لف عليها:انااوديه لك بس روحي اتاكدي من نوره مهي في الغرفه
احلام وهيه طالعه :ماادري بس افتكر احمد قال بيجيها
فارس بستغراب:كيف احمد ايش يجيبه ل نوره مو نوره تغطي
عادل قرب من عنده وحط يده على جبهة فارس:لاوالله منت مصخن خير نسيت
فارس:ايش؟!!؟
عادل:اخوها بالرضاعه انسيت مو نوره رضعت من خلود
فارس ضرب راسه:يوووووه نسيت
عادل:الله يشفيك كيف نفسيتك وانت رايح لاخواتك؟!!؟
فارس:مافي أي شعور احس الوضع عادي
عادل:مو امك اتزوجت وانت عمرك سنه
فارس:لاسنتين اللي بعدها بسنتين ابويه توفى
عادل سكت ماحب يتكلم اكثر عن الموضوع هذا
دخلت احلام وهيه مبتسمه ومسكت فارس من يده:يالله فارس لبست نوره عبايتها يالله بسرعه
قام فارس وشال الدب واحلام بجنبه ووصلوالغرفه ودخل وكانت نوره مغطيه وجالسه على جنب ابتسمة لمن شافت الهديه حقت احلام ونطت واقفه:واو يجنن
فارس ضحك:ههههههه وين احطه
وشرتله احلام على طرف سريرها:حطه هنه فارس عشان انام في حضنه
حطه لها فارس ماكان مااشرت احلام
ولف على نوره:تراني مانسيت هديتك
احلام بغرور:مواحلى من هديتي
نوره:ايش هيه هديتي؟!!؟
فارس ابتسم وهوه طالع:دحين اجيبها تشوفيها
نوره هزت راسها بالموافقه
(هند انسانه طيبه بكل ماتعنيه الكلمه من معنى بس ربنا ماوفقها في زواجها لانها كانت الثانيه ولانها ماتزوجت بدري وبعد ماجابت احلام وكانت احلام في الكوفله وكانت نوره عمرها9سنوات وفارس عمره 16سنه وبماانه عاش عند جده بعد وفاة ابوه لان امه رفضت انها تاخذه اتعلق في نوره واحلام وصار مجنون فيهم لدرجة انه لمن سافر يدرس نكدو الثنتين وبالقوه سكتو امااحلام تعتبرو زي ابوها او اكثر وفي البدايه كانت تقوله بابا بس فارس رفض انها تقوله بابا وبالقوه اقتعنت)
دخل فارس وهوه يسمع احلام تهاوش على نوره تبغاها تبعد عن الدبدوب
فارس:خير اشبك تصارخي؟!!؟
احلام وهيه تبكي:خليها تقوم عن دبدوبي
فارس:هيه مابتسرقه بتلعب شويه وتخليه
احلام:لاماابغى
هند اللي كانت دوبهاداخله:خير ايش فيه صراخكم واصل اخر الدنيا(وانتبهة للدب)واااو مين جابه يجنن
احلام:فارس جابه ليه وطالعي نوره الدبه مهي راضيه تسيبه ماما خليها تقوم
هند:بس عيب وبعدين ليش تبكين نوره بس سيبيه تحطين عقلك بعقل البزر
احلام تضرب رجلها عالارض:انا مو بزررر
هند:يارب سترك خلاص عاقله واكبر مني بس انكتمي ونوره قومي عن الدب
نوره قامت:اهه قمت يالبخيل
احلام طنشتها وراحت للدب وجلست جنبه
نوره:مالت عليك
فارس:ههههههههههه الله يعينك ياعمه
هند:ايوه والله انك صادق
نوره وقفت قدام فارس:اعطيني هديتي بسرعه
فارس مد كيس لها وكيس لعمته وجلس جنب احلام
هند:الله يعطيك العافيه ياولدي بس ماله داعي تكلف على نفسك
فارس وهوه يمسح على راس احلام:الله يعافيك وبعدين لاكلفه ولاحاجه اذامااهديتكم اهدي مين يعني
نوره:واااااااااااو تجنن
كانت هدية فارس علبه حمرا وفيها دب صغير ملبسه سلسال الماس والاحلاق وحاط في العلبه خاتم واسوره وساعه وكان شكلها كيووت
فارس:كويس اللي عجبك ماعرفت ايش اجيبلك صراحه
نوره:مره روعه تسلم يااحلى اخو في الدنيا
فارس ببتسامه:الله يسلمك
نوره اللي كانت رايحه لامها اللي جالسه على كرسي انفجعت:ماما اشبك
لف عليها فارس بفجعه ووقف وراحلها وجلس جنبها :عمه اشبك تعبانه
هند تمسح دموعها:لاحبيبي مافيني الا العافيه
فارس خايف عليها وحضنها:طب ليش تبكي
هند:ابكي من فرحتي برجعتك بكيت وانااشوفك حول بناتي وكانك اخوهم انا كل يوم اشكر امك اللي تركتك ليه تكون بحسبة ولدي اللي ماجبته بس دحين خايفه خايفه ترجع لامك وتلقى اخواتك وتنسانا
فارس يمسح على شعرها وهيه فحضنه:لاوالله يالغاليه ماجابته امه اللي ينسي اهلي صح اني برجع لامي بس تبقى نوره اختي واحلام بنتي وانت بحسبة امي
اندق الباب وطالع احمد وعادل
احمد يطالع في عادل:والله حركه عندهم افلام هنديه
عادل:ولا يعلمون بسرعه احجزلك مكان
ودخلو وجلسو على سرير احلام اللي قدام الكنبه وكانهم يتفرجو
فارس:ههههههههههههه الله يشفيكم يارب
ووخر عن خالته وطالع في احمد:انت ايش تبغى من نوره
احمد:اوه سوري انسينا نستاذن منك معليش لو سمحت ممكن اخذ اختي المبجله اوديها مطعم
فارس :والضعيفه هذي
احمد:مين احلام كلمتها قالت ماتبغى تقول انك بتوديها العصر الملاهي
فارس لف على احلام:مين قالك اني بوديك
احلام ببتسامه واسعه:انا قلت
فارس ميل فمه:بس انا عندي مشوار
احلام:عادي نروح العصر ونرجع المغرب تتروش وترح
عادل:حاسبتها الاخت طب لو قلك لا
احلام قربت من فارس وهيه تمد لسانها لعادل:لااا فارس مو زيك فارس مايقولي لا
فارس قرص خشمها:وهوه في احد يقدر يقولك لا
عادل:ايوه دلعها دلعها وبعدين تنكبك تعرف انه الله حق
فارس:حلالي ادلعها(ويطالع في هند)موصح؟!!؟
هند:اكيد
احمد وقف ولف على نوره:يالله نمشي
نوره:استنى ماوريتك هدية فارس احسن منك جاب ليه هديه
احمد قرب من عندها:اشوف وااو مره روعه ماشاء الله... وبعدين انت ماتدري انه انا عارف من اول انه فارس احسن مني
احلام:وانا جابلي دبدوب كبير(ولفت على امها) ماما ماوريتينا هديتك
هند:مابوريكم هديتي سر
عادل:والله عشنك عارفه ايش هيه
هند:ايوه عارفه انت ايش عليك
فارس طالع في احمد ونوره اللي طلعو:عمتي تراني ميت جوع خلونا ننزل
هند:يالله حبيبي
ونزلو كلهم يتغدو
::
::
::
::
في بيت وليد وفي غرفة لورا تحديدا
كانت لورا تبكي حضها اللي بعدها عن اخوانها
بس بعدين هدت نفسها وغسلت وجها ونزلت تحت لقيت ساره والاء وجلست معاهم
ساره ببتسامه:فطرتي
لورا:ايوه فطرت
الاء بهدوء:اجل شكلك صاحيه من بدري
لورا:ايوه
الاء ابتسمة:كلمني احمد على مدرستك بس ترى حتى انا مو شاطره في هذي المواضيع
لورا:يوه طب كيف
الاء:قلي عبدالعزيز لزقي كم كلمه وخلاص
لورا ابتسمة:شكرا
ساره:ولو واجب ياحبيبتي
الاء:كانه المفروض انه انااللي ارد
ساره:المفروض لكن الواقع يختلف
الاء:اقول بس نادي مامي ودادي وعزوز عشان نتغدا
لورا:واحمد مايبغى
الاء:احمد راح مع نوره بنت خاله هند يتغدو في مطعم
لورا:بنت خالتك؟؟
ساره:ايوه وتصير اختنا من الرضاعه
لورا:حركه
ساره:شفتي كيف
نزلو كلهم يتغدو وهمه جالسين عالسفره لورا ولا شالت عينها عن وليد وكل ماجات عينه فعينها تعطيه نظرة حقد
وليد مل من نظراتها:عندك شيء انطقي لاتقعدي تطالعي فيه زي كذا ترى ماني فاضيلك
لورا:اناقلت انه عندي حاجه ماقلت وبعدين انااطالع على كيفي ولا حتى النظر محرم
وليد:لورا نامي بعافيتك اليوم احسلك
لورا:انت سالت وانا جاوبت
وليد:سالت قلت يمكن شيء في خاطريك
لورا:ايوه اشياء مو شيء اولا على الاب توب ولمن حرمك المصون واختها يتهموني بشيء اناماسويته
وليد: لاب توب عقاب وماني ندمان عليه اما مرتي واختها على قولتك اتهموك بايش يعني البنت قالت اللي شافته
لورا:هيه اصلا ماشافت شيء عشان تقول انا قلت اللي شوفته وبعدين ترى هذا يعتبر قذف وتنجلد ثمانين جلده لوماتدري
وليد:لاوالله اية قذف وانت داخله غرفة الولد ايش كنت تبغي داخله غرفته
لورا:انا قلتلك تلخبطت في الغرف
وليد :مادخلت بس خلينا نقول انك دخلتي بالغلط ليش ماطلعتي على طول ليش كنت تكلمينه انت مو كنت تكلميه بس انت كنت بين يدينه
لورامابيسمع لوايش مااقول مابيصدق
الاء وساره وعبدالعزيز طالعو فيها بصدمه
وليد:شفتي مالك عذر
لورا:ماني مجبوره ابرر لاحد انا عارفه اللي صار ماعليه في احد
وليد ابتسم:بماانك واثقه من نفسك وماتبغي تبرري ومنت مهتمه لاحد ليش هذي النظرات وليش فتحتي الموضوع اصلا بس تراك تناقضي نفسك وتبيني انك كذابه فااحسلك قفلي على الموضوع اوكيه ولو كان في بالك انه لمن سويتي كذا بامنعك من الروحه لا خليك متاكده انك بتروحي كل خميس
لورا وقفت لانها شبعت اصلا وطلعت غرفتها بعد ماغسلت يدينها
خلود:لاوالله انشاء الله بتنشب فينا كل خميس
وليد:خلود هذا الموضوع منتهي خلاص لاتناقشي فيه
خلود:بس تراني كرهت عمري من اختك انا مني مجبوره اخلي احد عندي غير عيالي بيتي مو ملجا
وليد:عاد كرهتيها حبيتيها هذا شيء راجع لك بس انا قلت من قبل واعيدها لك لورا مابتطلع من بيتي الا على بيت زوجها اوعلى قبرها
ووقف وطلع من البيت وخلود عصبت ووقفت وطلعت غرفتها وهيه تسب في لورا
عبدالعزيز:ايش القصه؟!!؟
ساره هزت كتفها:ماادري بس همه اتكلمو عن وحده من خالاتي لها يد في الموضوع
::
::
::
::
في بيت ابو فهد:
المغرب رجعو احلام وفارس بعدماطلعت احلام كل اللي فراسها وخلت فارس يلعب معاها غصبا عنه كل الالعاب لمن رجعو وخلاص فارس منتهي بس مبسوط لفرحة احلام اللي النشاط ماليهادخلو البيت وطلع غرفة عادل وهوه يسمع احلام وهيه تحكيهم ايش ركبت وايش لعبت
دخل الغرفه وسك الباب كمل طريقه طالع في السرير :اااه نفسي انام
راح جهت حوض الاسماك وابتسم وهوه يفتكر لورا
فارس بتفكير:نفسي اعرف ايش سولها وليد بس ماشاءالله عليها كانت واثقه من نفسها ولااهتمت ل وضحى وكلامها رغم انها اتهمتها بشرفها وحكت لخالتي خلود اللي ماادري ايش سوت نفسي اعرف اخبارها .. اوف وانا ايش عليه منها هذيك القزمه طويلت اللسان خليني اروح اتروش والبس واخذ شنطتي احسن من التفكير في هذيك الهبله
ودخل فارس يتروش وطلع ولبس بنطلون رمادي وبلوزه وردي وفيها جم جمه باللون الرمادي وشراب وردي وجزمه رمادي وكاب وردي وشعره باين اطرافه من تحت الكاب وكان لابس اساور رجاليه باللون الوردي والرمادي ميل فمه نفسه يوقف شعره زي الشباب بس شعره ناعم على قدماحاول هوه واصحابه مانفع ماخلو شيء ماحطوه بس مافي فايده رش عطره المفضل ديزل اتاكد من شكله وابتسم لازم يمشي قبل الصلاه عشان مايصلي هنه وجده يهاوشه طالع في ساعته :وااو وقت قياسي ربع ساعه يالله خليني امشي
اخذ شنطته ونزل تحت وهوه يتمنى انه جده ميكون فيه بس نادته جدته ابتسم ابتسامه واسعه وهوه يطالع في جدته ويحك راسه وكان فيه وضحى واحلام ونوره وهند
فارس:ياعيون فارس انت امري تدللي
ام فهد:اطلع وغير اللي عليك بنت موولدلابس ذا وبعدين ايش هذا اللي في يدك انت ماتستحي تقابل اخواتك اول مره بملابس زي ذي
فارس جلس جنبها :افا ياامي لبسي موعاجبك
ام فهد:لاموعاجبني مع شعرك ذا اللي ماادري متى ناوي تقصه
فارس يصرف:خلاص ياامي المره الجايه ماالبسه بس اليوم ماعندي وقت مواعد عمي حمد باي
وطلع جري من البيت
وهند وبناتها :هههههههههههههههههههههههههه
ام فهد معصبه:تضحكين بدل ماتنتبهي للملابس اللي يلبسها
هند:ماما الله يهديك هوه مو بزر اطالع في ملابسه خلاص سبعه وعشرين ماشاءالله رجال
ام فهد:الله يهديه بس
::
::
::
::
في سيارة فارس اتنهد براحه انها جدته موجده
طالع في ساعته:ياربي ايش اسوي دحين الوقت بدري مني رايح عند الاهل دحين لسع الوقت بدري ايوه صح من جد خليني ادق على عمي حمد اشوف احوال شركة ابويه ماادري عن اخبارها على اخر مره جيت فيها السعوديه وكمان عمي حمد قالي لارجعة ابغاك ضروري خليني ادق عليه لوفاضي اروح له
ودق عليه ورحب فيه حمد
وراحله واتمنى انه ماراح حس نفسيته صارت اكثر من سيئه واتمنى انه يبطل من الروحه لامه بس مايمديه يعتذر وقبل مايوصل البيت دق عليها واخذ منها وصف البيت ووصل وقبل ماينزل اخذ نفس عميق هوه مايدري من بيقابل ولا كيف حيكون استقبالهم له اخر مره شاف امه كانت قبل ست سنين حتى في الاجازاة لمن كان يجي ماكان يمر عليها ابدا ودحين طالبه منه يجي ويجلس عندها يومين نزل من السياره وهوه شايل كيس فيه صحن شوكولاته
وصل البيت وكان فله اقل مايقال عنها بسيطه استغرب انه هذا بيتها ميل فمه:تركت ابويه وتركتني عشان تسكن مع شخص مسكنها في مكان زي كذا جدماعندها مخ اوف بس حريم ناقصات عقل ودين
دق الجرس وطلع صوت انثوي ناعم من الانتر فون :مين
فارس اوف يعني لازم همه اللي يردو يصير كل من هب ودب يسمع اصواتهم يخلو الخدامه ترد
فارس بصوته الواثق:انافارس
:طيب دقيقه




رد مع اقتباس
  #3  
قديم 10-07-2010, 10:30 AM
قمر حواء جديدة
 

 

Saudi-Arabia







افتراضي

الجزء الثاني :
الفصل الثالث:
وشويه كذا سمع اصوات وجري وفتحتله الباب طفله صغيره يعني عمرها3سنوات ومعاها ولد برضو صغير واضح انه دوبه يمشي
ابتسملها فارس ودخل ونزل لمستواها بعد ماحط الكيس على الارض ومسح على شعرها بحنان:ايش اسمك ياحلوه
:هههه انا سوسو
فارس ضحك:هههههههه اسمك سوسو
:ايوه ليش تضحك؟!!؟
فارس:ولاشيء انت بنت مين
سوسو:يوه انت ماتعرفني
فارس بزعل:لا مااعرفك
سوسو:يوه انا اعرفك انت فارس
فارس ابتسميالبو يعني هذي تصير اختي:ماشاءالله من قالك
قبل ماتتكلم سوسو سمع صوت بنت من جوه:سوسو اشبك مافتحتي الباب
طلعت صحبة الصوت وكانت بنت في غاية النعومه شعرها يوصل لنص ظهرها وقاصته الفراوله وصابغته بني فاتح ولابسه تنوره قصيره بيضه وتيشيرت اصفر فاتح وحاطه كحل اسود وقلوس وردي وكان شكلها نعوم
ابتسمة بخجل لمن شافت فارس وخدودها حمرت امافارس قرب وهوه مو عارفها بس بماانها مابعدت لمن شافته معناتها اخته كان يمشي بثقه مع انه قلبه يضرب طبول وصل لها ومد يده البنت بخجل مدت يدها وكانت بتصافحه بس فارس ماكان مهتم سحبها وسلم عربه وجه البنت حمر بعد مابعدت عنه
فارس ابتسم وهوه لساعه ماسك يدها ومستمتع على خجلها:كيفك ياعسل
البنت وهيه مدنقه بخجل بصوت هامس:الحمدالله بخير
فارس رحمها وساب يدها وهوه لساعه مبتسم:الله واكبر هذا الخجل كله مني تراني اخوك موزوجك عشان تحمري كذا
البنت خلاص نفسها انه الارض تنشق وتبلعهاسكتت
فارس:ترى حتى اسمك ماعرفته
البنت همسة بنعومه وخجل:وديان اتفضل ماما في الصاله تستناك
مشي فارس وراها وهوه يطالع في الفله اللي كانت صغيره
وصلو الصاله وشاف امه جالسه ولابسه تنوره جنز وقميص اورانج وكان شكلها بسيط
بس فارس شافها مهي مهتمه بنفسها وانها تكبر بعمرها مقارنه بعمته اللي تهتم بنفسها لدرجة اللي يشوفها مع نوره يقول انهم اخوات
دخل فارس وسلم على امه وراسها ويدها بهدوء
(فارس صح كان يكلم امه ويقابلها بس نادرا وهوه شايل فخاطره انها سابته في بيت جده من غير ماتجي حتى عزا ابوه ماكان يناديها امي كان يناديها باسمها يحسها ماتستحق كلمة امي ابدا كانت امه هيه جدته بس فارس يسمع كلام امه ومايردلها طلب رغم برودته معاها)
ام فارس:كيف حالك حبيبي
فارس بهدوء:بخير انت اخبارك انشاءالله مبسوطه
ام فارس:الحمدالله بخير(لفت على وديان)وديان حبيبتي نادي اخواتك
راحت وديان تنادي اخواتها
ام فارس :خذ راحتك حبيبي البيت بيتك
فارس قبل ماتطلع امه:حصه
لفت عليه امه:هلا
فارس وقف واعطاها الكيس اللي فيه الصحن ورجع مكانه من غير مايتكلم
طلعت ام فارس بعد ماشكرته
فارس كان يطالع في الصاله والدرج اللي كان يفصل بين الصاله اللي جالس فيها وصاله ثانيه فيها تلفزيون وميل فمه لمن سمع صوت ازعاج وجري وصراخ ورفع عينه وكان فيه بنتين نازلين يجرو وصلة الاولى الصاله وهيه تضحك والثانيه وراها وصارو يجرو في الصاله وبعدين دخلت الاولى الصاله اللي فيها فارس والثانيه اللي كانت وراها صقعت فيها وطاحت
الثانيه:أي غبيه عورتي....
وانكتمت لمن انتبهت بفارس جالس ويطالع فيهم
فارس كان مستغرب من الصراخ صح نوره واحلام يتضاربو ويصرخو بس موبذا الشكل ولمن وقفو يطالعو فيه ماشال عينه عنهم
دخلت ام فارس ولفو الثلاثه على صوت ضحكتها
ام فارس وفي يدها التبسي حق القهوه:ههههههههههه وداد وعد سلمو هذا اخوكم فارس وانت يالخبله ليش جالسه على الارض
وقف فارس لمن وقفت وداد وقربو وعد وداد منه وكانو بيصافحونه بس هوه مااعطاهم فرصه وسلم عليهم عربه وكانت وداد ثاني وحده سلمت سحبها فارس وجلسها جنبه وابتسم ل وعدواشرلها تجي حمبه من الجهه الثانيه وجلست جمبه بخجل فارس وهوه حاط يده على كتف وداد وماسك كفها بيده الثانيه:دحين مين وعد ومن وداد
وعد بخجل:اناوعد
فارس ابتسم ولف على وداد:والحلوه وداد مو؟!!؟
هزت وداد راسها وهيه ميته خجل كانت وداد لابسه بنطلون جنز وبدي طويل ابيض وعليه ورود بالون الفوشي والاحمرواورنج وتفاحي وشعرها يدوبك يوصل لحد رقبتها وهذا اللي مخليها تستحي زياده والبلوزه الاكمام اللي كانت بتلبسها كانت مع وعد وهذا اللي مخليها تجري وراها
اماوعد كانت لابسه بنطلون جنز فاتح وبلوزه طويله وردي فااااتح وكانت مفتوحه فتحه سبعه وبياقه وعلى حواف الفتحه ورود بدرجة وردي اغمق وفاتحه شعرها اللي واصل لعند كتفها وقاصته مدرج
فارس ابتسم ل وعد:اخبارك ياقمر
وعد بخجل :الحمدالله بخير
فارس لف على وداد:وانت يحلوه اخبارك تمام
وداد هزت راسها بايوه
فارس:هههههه ايش بك ماتتكلمي
وداد ساكته
فارس ابتسم وهوه يدري انها ساكته مستحيه لانه ماسكها بهذي الطريقه فشال يده وعدل جلسته وبعد عنها شويه:هه بعدنا عنك بس لاتموتي... الاوديان وينها طلعت تناديكم وتاخرت
وعد ببتسامه:كانت مع ود تلبسها الكلبسه
ابتسم فارس: دحين انتو وديان وودادا ووعد وود كلكم بحرف الواو الاسوسو
ضحكت وعد:طب سوسو مو اختي سوسو بنت وديان هيه وناصر
فارس بستغراب:ليه وديان متزوجه لساعها صغيره
وعد:لامو صغيره عمرها 22 بعدها انا عمري 20وبعدي وداد وعمرها18واخر شيء وده وعمرها14
فارس:ماشاءالله باين عليكم اصغر
قطع عليهم صوت احد ينزل ولف فارس على الدرج وكانت وديان وماسكه بنت كان واضحه عليها البرائه بتنورتها القصيره البيج وفيها على الطرف من تحت ورود صغار بني والتوب البني والجاكيت القصير البيج وفاتحه شعرها اللي يوصل لنهاية ظهرها ابتسم لبرائتها الواضحه ولجمالها كانت احلى اخواتها وهيه تنزل سحبة يدها من يد وديان وقالت بترجي وطفوله:الله يخليك وديان انا بدخل لوحدي
وديان:بس حبيبتي اخاف تطيحي
ود:لا خلييني اجرب ولا توقفي جنبي انا امشي لوحدي
نزلت وديان قبلها ودخلت الصاله وجلست جنب امها واستغربت من فارس اللي ماشال عينه عن ود ولمن قربت تخلص من الدرج وقف نزلت ود ووصلت الارض وعلى وجها احلى ابتسامه مشيت وهيه ناسيه انه فيه طلعه قبل الصاله وميشت وكانت بتطيح كلهم صنمو بس فارس اللي كان واقف وقرب منها قبل ماتخلص الدرج قدر يتدارك الموقف ومسكها ووقفها وبعد ماحس انها توازنت شال يده عنها وهوه مبتسم الكل اخذ نفس وحس بالراحه
فارس:اشبك مانتبهتيلها
ود اللي عيونها ماكانت مستقره ضحكت بطفوله:هههههههههه نسيت انه في طلعه
فارس استغرب كلمتها واستغرب حركت عيونها حرك يده قدام عينها ومارمشت حس بصدمه وهمس بصوت محد سمعه حتى ود:عميه
خرجه من صدمته صوتها وحركة يدها:فارس وينك
مد يده لها وهوه يبلع ريقه:اناهنه
ابتسمة له :وديان تقول انك سلمت عليها ليه وديان اختك وانالا ماسلمت عليه
ابتسم فارس وهمس:ماخليها فخاطرك
وحضنها ود اللي ماتوقعت حمرت واتمنت انها ماتكلمت بس بعدين غمضت عيونها وهيه تحس بحنان فارس وابتسمة بخجل
طبعا اخواتها كلهم ماسكين ضحكتهم لانهم يدرو انه ود خجوله بس دايما ماتبين خجلها
بعدها فارس وهوه مبتسم وسلم على راسها وضحك على وجها الاحمر
فارس:هههههههههه موانت قلتي تبغي تسلمي اهوه كل شخص اسلم عليه بطريقه وانت جنيتي على نفسك
البنات:ههههههههههههههههههه
مسك فارس يد ود ومشاها معاه وكانت وداد بتقوم لانها مستحيه من فارس بس وعد بنذاله قامت قبلها ورمت البلوزة في الصاله الثانيه وطالعت فيها بنظرة عناد
فارس بنذاله وهوه ناوي يصيد ود ووعد:وين وين وين خليكي
وعد:لا عشان تجلس ود جمبك
فارس:لا ماله داعي الايثار ود بجلسها في حضني
ود اللي كانت واقفه جمبه بعدة عنه بخجل :لااا والله
فارس:هههههه لاتحلفي طيب عشان لااعاندك
ود:لامااحلف بس ابليز لاتعاند
وجلس فارس وبجمبه ود وجمبه من الجهه الثانيه وداد وجمب وداد وعد وصار يهرج مع اخواته في مواضيع مختلفه وسوسو نشبة فيه مارضيت تقوم عنه وهوه مبسوط فيها وبخجل اخواته منه سال فجئه
فارس طالع في امه اللي ماتشارك في الكلام كثير وسالها:هوه زوجك دايما يسافر؟!!؟
ام فارس:ايوه بستمرار ليه
فارس بضيق وضح على وجه:ويسيبكم كلكم حريم لوحدكم
ام فارس بستغراب:لاعادة بدر اخوك معانا بس اليوم راح مع اصحابه وقال مو راجع غير على 1في الليل وبصراحه انا انسيت اقوله انك جاي ولاكان بطل ماراح
فارس ارتاح بس سال بستغراب:بدر ليه انت جبتي ولد
ام فارس :ايوه اصغر منك بسنتين وحاجه
ابتسم فارس ابتسامه جانبيه وماحب يعلق بس حس انه يحسد بدر اللي تنعم بحنان امه وعطف ابوه عكسه هوه اللي نحرم من الاثنين وهوه طفل صح جده وجدته ماقصرو بس مستحيل انهم يغطو على الام او الاب
فارس:ومتى بيرجع زوجك
وعد اللي حسة بالضيق من فارس اللي كان يقول كلمة زوجك بسخريه وكانه يقلل من شأن ابوها او يبين انه شخص ماله داعي:انت ليش تقول زوجك ليش ماتقول عمي؟!!؟
فارس استغرب السؤال بس ابتسم ولف على وعدوهوه رافع حاجب:ليه هوه موزوجها؟!!؟
وعد:الابس من الاحترام انك تقول عمي
ام فارس:وعد استحي على وجهك
فارس هز راسه:خليها تقول اللي فنفسها وهيه ماقالت شيء غلط (لف على وعد وابتسم)اسفين انسه وعد وكلامك صح حتى لوكنت مااقول عمي كان المفروض احترمه قدامكم
وعد حسة بالراحه وابتسمة لف فارس على امه :بدر ايش يشتغل؟!!؟
ابتسمة ام فارس:موملاقي شغل
فارس استغرب :كيف يعني مو ملاقي شغل؟!!؟
حصه(ام فارس):يعني دور وماحصل
فارس:هوه خلص دراسه
حصه:ايوه خلص
فارس :ايش تخصصه
حصه: مااعر ف
وديان بنعومه :هندسه
ابتسم فارس:وكيف مايلقى وظيفه وهوه هندسه لا جا بكلمه ولو حسيت انه يبغى شغل اعينه في الشركه عندي ونروح اناوهوه من بكره
وداد بستغراب:انت مومعاك شهادة طب كيف عندك شركه؟!!؟
فارس:امم معايه شهادة طب بس الشركه ورث من ابويه
وداد:اهاا
::
::
::
::
في بيت وليد لورا قررت انها ماتطلع من غرفتها جهزت اغراضها كلهاوعلقت اللبس اللي بتلبسه للمدرسه ونامت بدري
::
::
::
::
نرجع لبيت ام فارس
الساعه 12قامو البنات مع امهم يحطو العشاوسوسو وناصر طلعو الحوش وود كانت جالسه جنب فارس وتحكيه وتتكلم في مواضيع مختلفه وهوه مستمع ويتفاعل معاها وكان حاط يده على كتفها
فارس:ود انت ماتروحي مدرسه
ود بلعت غصتها وسندة راسها على كتف فارس :اتمنى بس ماما تخاف عليه وماتخليني اطلع من البيت الاوهيه معايه بس جابتلي معلمه في البيت
فارس يمسح على راسها:معليه هيه بس خايفه عليك وحمدي ربك انه امك تخاف عليك هذي نعمه
ابتسمة ود:الحمدالله من جد هذي نعمه
لفو فارس وود بفجعه على صوت الباب وهوه ينفتح بقوه وصرخت احد:انا جيت ماي مذر
وانتبه انه في احد في الصاله طالع بستغراب من الشخص اللي جالس وفي حضنه ود
وقف فارس بعد مابعد ود عنه وطالع في بدر من فوق لتحت وميل فمه بطريقه تخلي اللي قدامه يتنرفز
دخلت حصه ببتسامه :كويس جيت لسع ماحطينا العشا
بدر طالع في امه وسلم على راسهاويدها:من هذا يالغاليه؟!!؟
حصه ببتسامه:هذا اخوك فارس سلم عليه
بدر ابتسم وماحط فباله نظرات فارس الغريبه وراح جهت فارس بيسلم عليه وحضنه فارس ابتسم لكلمت بدر:هلاوالله ياهلا باخوي
وبعد عنه وهوه مبتسم بدر:ماقالت انك بتجي كان فرشت الارض ورد
فارس:تسلم والله
بدر طالع في امه:امي تعالي اجلسي
حصه: بروح اساعد البنات
بدر راحلها وسحبها من يدها وجلسها:ماشاءالله ثلاثه بنات وتقومي خلاص ارتاحي واجلسي مع ولدك شويه هوه مو كل يوم يجيك
وجلس بدر جنب امه وكان الجو هدوء الا من اسئله من فارس او من بدر اللي كان كل بعد شويه يسلم على امه ويهمز اكتافها ويتغزل فيها وامه ميته ضحك
وفارس كل ماله يحس بالغيره زياده من بدر دخلت وديان ونادتهم على الاكل ودخلو كلهم غرفه كانت قريبه من الصاله وقف فارس وهوه مستغرب انهم جالسين على الارض بس موحاب يتكلم صعبه
جلس جنب بدر وكان كل بعد شويه يغير جلسته الكل كان مستغرب الاامه
حصه ابتسمة:معليش فارس بس ترى ماعندنا طاولة طعام
انحرج فارس لانه الكل طالع فيه وكانه شيء غريب:لاعادي ايش فيها يعني
بدر ابتسم:ليه اجل مومتعود الاانك تاكل على طاوله
فارس ابتسم بحرج:لامو عن كذا بس هذي اول مره اجلس فيها عالارض حتى في بريطانيا كان في في الشقه طاولة طعام
البنات كتمو ضحكتهم على اخر جلسه جلسها فارس وبدر ماقدر يمسك نفسه وصار يضحك واخواته معاه وود مبتسمه لضحك اخواتها
ضحك فارس لانه جلسته كانت جد تضحك
بدر:هههههههه قوم اجلس على الكنبه وحطلك في صحن
فارس ببتسامه:لا خليني اتعلم ليش انتو على راسكم ريشه تعرفو وانا لا بحاول
بدر:براحتك
وبالفعل اصر فارس وحاول يقلد جلسة بدر الين مازبطها صح مكان مرتاح بس عادي لو حاول بيقدر يجيبها
وخلصو اكل وقام فارس حط جواله على الكنبه عشان يروح يغسل واخواته صارو يشيلو في السفره وود كانت جالسه تستنا احد يجي يوديها الحمام تغسل هيه كمان
فارس كان يمشي ورا بدر بعد ماغسلو
فارس:بدر امك قالتلي انك مالقيت شغل
بدر لف على كلمت امك بستغراب وابتسم لفارس:ايوه ماني ملاقي
فارس ابتسم:ولو لقيتلك شغله تبيض وجهي
بدر بفرحه:تسوي فيه خير ولاتخاف مو ابيض وجهك الااخليه كانه مغطس في دقيق
فارس:ههههههههههه خلاص تمام بكره نروح الشركه يصير تداوم من بكره
بدر:طيب امكن مايقبلوني
فارس:لا ليش مااقبلك انت بس تعال ومعاك اوراقك
بدر:هيه الشركه لواحد تعرفه اشوفك واثق انه بيقبلني
فارس:الشركه حقتي
بدر ابتسم:ماشاء الله حقتك
فارس هز راسه بايوه
بدر ابتسم وقبل مايتكلم كانت وعد جايه جري ومعاها جوال فارس يدق اخذ فارس اخذ الجوال وابتسم ورد على طول
فارس:هلا حياتي
احلام بصوت باكي:فارس شوف نوره
فارس:ياقلبو انا حبيبي هدي وحكيني ايش صاير
بدرماعجبته جرائت فارس انه يتكلم كذا وهمه كانو داخلين عند اخواته الكل استغرب انه يكلم وبصوت عادي يعني علني
احلام تحاول تهدي:عادل ونوره الدبب انا خايفه فاارس
فارس نزل راسه وهوه يكتم ضحكته على احلام:ياعمر فارس ليش خايفه
احلام:طفو المبات عليه الاشرار
فارس:ماعليك منهم الدبب بس لاتبكي
احلام:طب لمن تجي تظربهم
فارس:من عيوني
احلام:طب متى تجي عشان استناك
فارس:خلاص ميمو لمن ارجع البيت نتفاهم
احلام وهيه تمسح دموعها:وعد
فارس:وعد
احلام :مع السلامه
فارس:مع السلامه حبيبتي
قفل فارس ورفع عينه والكل كان يطالع فيه
فارس ضحك:هيييييييييه لايروح فكركم بعيد هذي احلام بنت عمتي هندالصغيره
بدر:ههههههههههههه بزر وتكلمها كذا
فارس ابتسم:اموووت على هذي البنت بتجنني
واعطى جواله ل وديان لانه كان حاط صورة احلام وهيه جالسه عالدب خلفيه:اهيه شوفي هذي هيه
وديان:ماشاء الله تجنن
ونطو وعد ووداد يشوفوها عاد وهمه يطالعو دق الجوال ومدته وديان لفارس فارس ابتسم:هذي هيه
فارس رد:هلا ميمو
احلام وصياحها زايد:فارس شوف عادل واحمد ونوره كلهم ميخلوني احضن دبدوبي
جاه صوت عادل يصرخ: مو زين تحضنه قبل ماتنام
فارس:قوليلهم يقولكم فارس مالكم صلاح
احلام:يقولكم فارس مالكم صلاح
احمد:لاكيف بنت خالتي مااخاف عليها
فارس ضحك:قوليله يقولك فارس يجي يوريك دحين
احلام تقول لاحمد اللي قاله فارس
احمد:الله عاد بطل فليك على غفله
فارس:هههههههههههههههه خلاص والله شباب حرام سيبوها
عادل:خليها هذي ام لسانين نفتري فيها دحين
فارس:خلاص بالله امانه سيبوها عشاني
نوره:عشانك بس
فارس:تسلمين ياقلبي خلاص ميمو هيه اطلعي احظني دبدوبك ونامي ولاتنسي دعاء النوم و......
احلام تكمل عنه:وادخل الحمام اول وافرش اسناني واتلحف كويس
فارس:شاطره حبيبي هيه باي
احلام :باي
وقفل
ابتسم بدر:واضح انهامتعلقه فيك
فارس:ايوه ومااطلع مكان الاوتجنني اتصالات حتى وانا في بريطانيا لمن احد ياذيها تتصل عليه في أي وقت
ود:صوتها يالبو
فارس:وين يالبو خرقت طبلت اذني وهيه تصارخ على الشباب
حصه:موهيه اللي كانت عمرها شهور لمن امها تطلقت وجات بيت جدك
فارس هز راسه:ايوه كان معاها احلام بيبي ونوره نوره اكبرمن وعد بسنه صراحه احسهم زي اخواتي حتى نوره تغطي بس تجلس معايه بغطاها
حصه:ايوه اكيد بتتعلق فيهم لانهم اتربو معاك
بدر:ليه انت تربيت في بيت جدك
فارس:ايوه مو الولد توفى وانا عملري اربع سنوات وضطريت اجي بيت جدي
بدر:بتبات عندنا اليوم
فارس ابتسم:لا
ود مسكت يده:لافارس نام عندنا كم يوم الله يخليك
فارس:اول على اساس انكم لوحدكم قلت ابات لكن خلاص معاكم بدر يكفي
وداد:ليه ماتجلس حتى لوفي بدر
فارس:اصلا احلام مره تبكي
وعد:يالله عاد احلام شويه وتنام اجلس انت كم يوم الين مايجي بابا سلم عليه وبعدين امشي
بدر:ايوه والله صح
فارس انحرج انهم كلهم يحاولون فيه:خلاص طيب بجلس
ود:الله وناسه في احد بيجلس معايه الصباح لانه بدر ينام الصباح وانا اضطر اني احبس نفسي في الغرفه
بدر:رااااااااح سوقك يابدران
ضحك عليه فارس :هههههههههههه خلاص وده نودي بدر الشركه ونروح احنا البحر
وعد نطت عند فارس:انا بطلت ماابغى اروح بكره الجامعه بروح معاكم
فارس:خلاص اذا قالت ود اوكيه اخذك
حصه:لا غياب مافي كلكم تروحو بكره ويالله مادام فارس بينام عندنا على غرفكم
وديان:ماما خليهم وقبل ماامشي انا ادخلهم غرفهم
حصه:خلاص طيب
طلعت حصه وقامو البنات وغيرو ولبسوبجايم ونزلو مره ثانيه
فارس :بنات تبغو نت
بدر:والله انت ماينفع عندك بنات تظيعهم
فارس:عااادي انا ايش ققلت نت... لاتكون انت من جماعة عادل البنت موعلى كل شيء نقولها طيب
بدر:لاوالله بس صراحه يعني النت ماينفع لبنات
فارس:والله هذا كلام عادل مايخلي نوره تجلس عالنت ولانام شغلته لها ورحت
بدر:اصلا ماعندنانت
فارس:انامعايه في السياره قوم معايه نجيب شنطتي والاب توب
بدر:يالله
وطلعو وهمه عند السياره حقت فارس فارس همس:تصدق يابدر اني احسدك واغار منك




رد مع اقتباس
  #4  
قديم 10-07-2010, 10:33 AM
قمر حواء جديدة
 

 

Saudi-Arabia







افتراضي

احب اوضح الروايه ماتتكلم عن كلا التوأم الروايه تتكلم فقط عن لور
الجزء الثالث :
الفصل الاول:
لف بدرعليه بستغراب وصدمه فارس طالع فيه لثواني بعدين ابتسم واخذ الاب توب وشنطته وقفل السياره ومشي لف على بدر اللي لساعه واقف:منت ناوي تدخل
بدر بستغراب:ايش قصدك
فارس:ماعليك من الكلام وامشي
بدر:لا قلي ايش قصدك
فارس:مولازم تفهم شيء بنفسي وقلته يالله بسرعه ترى الجو حار
بدر مشي ودخل مع فارس اللي سبقه ايش قصدك يافارس
دخلو االبيت وتجمعو اخواته على الاب توب شبكلهم النت وراح يغير ولبس بجامه ورجع لهم
بدر ابتسمله :تعال شوف يقولو مدري ايش طلعلهم
راح وجلس جنب وديان اللي حاطه الاب توب على رجولها ونزله من فوقها وحطه على الارض لمن شاف انه المسن طالع في اخواته ببتسامه:طالعتو
وديان:لاوالله هيه طلعتلنا الصفحه وقرينا المكتوب ومافهيمنا ايش مكتوب ونزلناه تحت
فارس:عادي بس امزح
ورجع للاب توب وكتب ورجعه لهم شالته وديان بتحطه على رجولها سحبه منها فارس
فارس:حطيه على الارض ولاعلى تكايه مو كويس على رجولك
وديان حطته فوق التكايه ورجع فارس جلس جنب ود وحط راسه على رجلها وبدر قدامه بدر استغرب حركته حتى ود بس فارس ماهتم ومسك يد ود وحطها على شعره
فارس:العبيلي في شعري
ود صارت تلعب في شعره وهيه مبتسمه وفارس غمض عينه
بدر:ماشاءالله فارس شعرك كثيروناعم وطويل
وعد:اطول من شعر وداد
وداد:لاحرام عليكم حسستوني اني ولد مالي صلاح فارس دحين تقص شعرك مافي
فارس فتح عين:يوووه ذكرتوني بجده كل يوم نفس الموال وبعدين بدران ترى شعري مو حلو
بدر:بالعكس مره حلو
فارس:لاوالله لحددحين افتكر هذاك اليوم في بريطانيا اتفقنا كلنا نطقم نفس الوان اللبس ونفس الاساور والجزم والشعر واتفقناانه انسويه كدش ونحاول في شعري موراضي حتى دينا حزنت عليا وحطت رغوه جل حتى بيبسي مافي ابدا موراضي وداومنا وكلهم مسوين كدش الاانا وكل ماجيت امشط شعري افتكر وانقهر منه
ود:ههههههههههه حلوه عاداتخيل شكلك غلط
وعد:ههههههههههههههههههه والله من جد
وداد:مين دينا
فارس:صحبتي في برطانيا
ود:ههههه منجدك انت تتكلم
فارس:ايوه ندرس سوا واحيانا تجي هيه وهدى عشان ندرس سوا
وديان:فله
بدر:لاوالله
فارس ضحك:اشبك عصبت؟!!؟
بدر:اناادري عنك صحباتك ومدري ايش
فارس:عادي هذا في بريطانيا مو هنه تعالوا وريكم صورنا في بريطانيا بس لونطت صوره كذا غمضو
بدر:فارس استحي
فارس:لاتصير معقد بعدين اناقصده انه عشان صورنا في اماكن عامه بس
بدر:لاوالله
فارس:هههههههههه والله
بدر:بس بس قفل ذا العله وخليهم ينامو يالله
فارس لف عليهم وهمس من غير ماينتبه بدر:بكره لاطلع من البيت اوريكم
ضحكو البنات وطلعو غرفهم ووديان وودوبدروفارس جالسين
وفارس قرب من عند وديان وبترجي:وديااان العبيلي فشعري والله هذي مستحيه مني ماتلعب في شعري زي الناس
بدر:ليه يعني وديان ماتستحي
فارس وهوه يغمز ل وديان:لاوديان اكيد كل يوم تلعب في شعر ابوناصر عادي ماتستحي
وديان وجها حمر وضربت فارس في كتفه وهيه ميته من الخجل :ياقليل الادب
فارس:لاوالله هيااحلفي انه ماعمره نام على رجلك ولا.....
قاطعته وديان:فارس بس عاد استحي
فارس:يوه طالع كيف حمرة خلاص بس العبي في شعري عشان انام ترى ماانام الاواحد يلعب في شعري
ود:لاوالله تكذب كيف كنت تنام في بريطانيا
فارس:دينا كانت تلعب في شعري وهيه مو اختي مالت عليكم انتو منتوراضين الحيا مقطعكم
بدر:يامحلاه الحيا
فارس:بس عاد مو على اخوهم
ود:طب انت اليوم اول مره نقابلك
فارس:اوكيه تستحو بس مولهذي الدرجه
انسدح على رجول وديان وصارت تلعب في شعره
فارس:شوفي كيف الناس مو اقولك خبره
وديان بعدة راسه عن رجلها:هيا قوم لمن تستحي تعال
فارس:لاوالله حرام عليك دودي انا اخوك والله احزن شويه وبيجي زوجك ياخذك كيف انام
وديان:خلاص طيب بس لوعدتها ماالعب في شعرك
فارس:طيب
واول منسدح على رجلها همسلها:ياخبره
ضحكو كلهم عليه وبالفعل نام فارس على رجول وديان اللي خلته الين ماجازوجها جابله بدر مخده ولمن رفعت وديان راسه بهدوء فتح عينه على طول
وديان ابتسمة:سوري بس عشاني ماشيه
فارس ابتسم وهمس بصوت كسول:ماعليك يالله مع السلامه
وديان:مع السلامه اذاانك بتطلع فوق غرفة بدر مع بدر طلع ود معاك نامت هنه
فارس:ليه بدر طلع
وديان:لا برا طلع سهى وناصر بس الله يعينك وانت تصحي ود تراها ماتصحى على طول نومها ثقيل
فارس طالع في ود:يابعد عمري هيه خلاص ماعليك لاتشغلي بالك
طلعت وديان وقام فارس جهت ود وشالها وعلى طلعته بدر داخل
بدر:خليها انا اصحيها تمشي لغرفتها
فارس:لاحرام تنغص عليها نومتها
بدر:يالله طيب نطلع نودي ود غرفتها ونام في غرفتي
فارس:اوكيه بس معليش بدر جيب المخده والحاف
بدر:طيب
راح بدر وجاب المخده والحاف وطلعوغرفة ود ووداد ووعد اللي كانت تقرى في كتاب
بدر:اشبك صاحيه ايش تسوين
فارس بعد ماسدح ود على سريرها ولحفها لف على وعد:عندك كويز
وعد:ايوه
فارس زعل وبان فوجه:وجالسه معانا من زمان
وعد:لابس كان باقيلي جزئين
بدر:انانسيت انه الاختبارات بدات
وعد:هههههه عادي والله
فارس:قومي اطلعي لاتجلسي هنه واللمبات مطفيه وقاعده على نورالابجوره
وعد:لااخاف اجلس لوحدي
فارس:قومي طيب انا اجلس معاك
وعد:طيب يالله
فارس لف على بدر:خلاص انت روح نام انا اجلس معاهاويسير اوديها الجامعه واجي اخذك نروح الشركه
وعد:طيب متى تنام
فارس: بعدمانرجع اناود من البحر
بدر:بس تعب عليك
فارس:لاعادي اصلا عندي كم شغله اخلصها
بدر:براحتك
نزلو وعد وفارس تحت وهمه ينزلو فارس حط يده على راسها :تبغيني اسويلك نسكافه ولااي حاجه ثانيه
وعد:لاسلامتك
فارس :يالله طيب شدي حيلك
نزلو وجلسو في الصاله وكانت وعد تذاكر وفارس جالس على المسن
خلصت وعد وصارت تتجهز وفارس غير ملابسه وبعدين جلس يستنى وعد نزلت امه
حصه:انت مانمت
رفع فارس عينه وهمس:لامانمت بودي وعد الجامعه وبودي وداد مدرستها
حصه:ليه بدر وينه
فارس:اناقلت بوديهم
حصه لفت بتطلع:لاخليي بدر يوديهم
فارس:ليه خايفه عليهم مني زي ماخفت على نفسك من ابويه ولابدر اخوهم وانالا
حصه لفت بس قبل ماترد كانت وداد نازله:فارس خذوني معاكم البحر
فارس ابتسم:والمدرسه
وداد:عادي طناش اليوم
فارس:لاخلاص انتو اكيدبداتو مراجعه دحين لازم تشدي حيلك عاد تراكمي وعلمي مشاكل
وداد:طب ابغى منك وعداخريوم في الاختبارات تجي تاخذني من المدرسه وتوديني البحر
فارس:هههههههه انشاءالله يالله بس قولي لاختك انافي السياره
وطلع فارس ولحقوه اخواته وودى وداد المدرسه لمن وقف سيارته قبل ماتنزل وداد وقفت قدامهم سياره ونزل منها بنتين طالع في البنت اللي نزلت بصدمه هيه والله هيه اللي نستك النوم صحي من احلامه ضربه خفيفه من وعد:اشبك يالله
فارس:هاه طيب ياللهياربي ايش جابها معقوله تدرس في مدرسة وداد بس انا اشبي ليش صرت افكر فيها انا طار عني النوم افكر كيف تعاملها خالتي بس لاغير
وبعدين ودى وعد الجامعه
::
::
::
::
في مدرسة وداد دخلو لورا والاء ودخلو عند الاداره وكلمو المديره
المديره:لاماينفع انتو اصلا كيف تنقلوها في وقت زي ذا الاختبارات قربت والبنت حتتاثر
الاء:يعني عشان ماتتاثر تضيع سنه من عمرها وبعدين طالعي ملفها ماشاءالله شاطره ودرجاتها عاليه ليش تضيع سنه عالفاضي
المديره اخذت الملف وطالعت في درجات لورا
الاء:درجاتها حلوه
المديره:اناشايفه خلاص اوكيه بنمشيها بس لونزل مستواها المسؤليه عليكم
الاء:خلاص طيب
المديره صارت تسوي اجرائات وكتبت اسمها
المديره :خلاص داومي في فصل 3/1
لورا:والمريول
المديره:تجي بكره بمريول اصفر
الاء:يعني تداوم اليوم
المديره:ماراح يحسب لها داومت او لا على راحتها
طلعو الاء ولورا من غرفة المديره
الاء:هاه بتداومي؟!!؟
لورابفرحه وحماس:ايوه بداوم
الاء:ههههههه خلاص طيب اطلعي يالله مع السلامه
لفت الاء بتمشي نادتها لورا:الاء
الاء لفت عليها:هلا
لورا:شكرا
الاء ببتسامه:العفو
وخرجت الاء اما لورا لفت بس ماعرفت من وين تروح شافت بنت طالعه
راحتلها جري
لورا:معليش لوسمحتي
وداد لفت عليها:هلا تكلميني
ابتسمة لورا:ايوه ابغى اعرف وين فصل3/1 علمي
وداد:انت طالبه جديده
لورا:ايوه اليوم اول يوم ليه ماني عارفه من وين اروح
وداد :تعالي معايه
ومشيت لورا ورى وداد
وداد:انت ايش اسمك اناوداد
لورا تصافحها:وانالورا
وداد ببتسامه: انت سعوديه
لورا:ايوه جايه من المدينه
وداد:ماشاءالله
اشرت وداد للورا على فصل:هذاهوه فصلك نفس فصلي
لورا:هههههه شكرا
وداد :عفوا بس انا باخذ لفه وارجع
راحت لورا لفصلها ودقت الباب وفتحته
المعلمه:ايوه ايش تبغي
لورا:اناطالبه جديده ممكن ادخل
المعلمه:تفضلي
ودخلت لورا المعلمه اشرت لهاعلى مكان كان فاضي وقدام جلست لورا ببتسامه
المعلمه: ايش اسمك
لورا:لورا
المعلمه:اوكيه انتبهي معايه هذا اخر درس لمادة الكيمياء ولو فيه شيء مافهمتيه قوليلي
لورا ابتسمة:شكرا بس احنا اخذنا الدرس الأخير في المدرسه يوم الاربعاء
ورجعت المعلمه تشرح الدرس وجات الحصه الثانيه والثالثه ودق جرس الفسحه
لوراياربي ماعادفيه مويه وبريك مستحيل اخذ من وليد فلوس لوتنطبق السما على الارض
مشيت لوحدها مكان مالبنات يمشون سمعت صوت احد يناديها وكانت وداد
وداد:تعالي معانا انا وصحباتي اعرفك عليهم
لورا: اخاف اضايقكم
وداد:لاوالله عادي وبعدين انت لساعك طالبه جديده ماتعرفي احد خليكي معاناولالقيتي صحباة احنا بنطردك تمام
لورا:ههههههههه تمام
وداد: يالله
وراحت لورا مع وداد ونبسطة
::
::
::
اليوم كان حلو على الكل فارس جلس مع اخواته الين العشاء ورجع بعذر انه اشتاق لاهله وهوه اصلاعشان خايف ابوبدر يجي وهوه موجود مايبغى يقابله وكمان يبغى يشاورابوه في الكلام اللي صار مع حمد بس رجع لقي جده نايم واستقبلته احلام اللي سوت انها زعلانه الين ماوعدها بهديه ترضيه
::
::
::
::
لورا سوت لنفسها جدول تختيم وبدات اليوم
وجلست طوال اليوم في غرفتها وماقابلة احد الين مانامت والكتاب على وجها وماحست باحمد اللي دخل وعلق لها مريولها وشال الكتاب عن وجها ولحفها وطلع
صحيت لورا اليوم الثاني نشيطه وفرحت بمريولها الجديد ولبسته وكان شكلها نعوم بالاصفر العاكس على بشرتها الورديه وجهزت ولبست عبايتها ومسكة الكتاب لانه كان باقيلها درسين وخلصت الدرسين ونزلت بعد ماتاكدت من جدولها وكان احمد طالع من غرفته وكان لابس عشان يروح الكليه ابتسم
احمد ببتسامه:اخبار طالبتنا النجيبه
لورا:هههههههه اناتمام
احمد:واو هذي الوناسه كلها عشان المدرسه
لورا:ايوه المدرسه مره تهبل وتعرفت على صحباة جدد
دخلو الاصنصيل
احمد:وين عزوزوساره يسمعو اعطيهم كورسات شويه دحين تدخلين الصاله تلاقينهم كل واحد فيهم عين مغمضه وعين مفتحه
لورا:ههههههههههههههه
احمد:المهم لاترهقي نفسك بالدراسه
لورا:ماارهق نفسي انا اصلا
احمد:واضح امس دخلت وانت نايمه والكتاب عليك اللي يشوف شكلك يقول هذي نايمه بعد حرب من كثر التعب
لورا:اناتعودة اني مانام الاوالكتاب عليه
وصلوالغرفه وكان الكل جالس يفطر الاخلود
جلسة لورا في مكانها واحمد جنبها
والكل ساكت قام وليد ولف على لورا:قومي بوصلك المدرسه
لورا كان في فمها اكل غصت وصارت تكح واحمد نط واقف وشربهامويه
اتنفسة وهيه تكح بس كحات بسيطه
وليد عصب:وجع المره الجايه انتبهي وانت تاكلين
لورا همسة:اسفه
وليد:قومي بسرعه خلينا نمشي
وقفة لورا واخذت الشنطه وكتابها اللي كانت تقرى فيه وطلعت مع وليد سيارته ركبت السياره وسلمة ورد وليدالسلام
حرك وليد والسياره هدوء فتحت لورا كتابها وصارت تقرا وليد يحب الهدوء التام في السياره سحب الكتاب من يدها ورماه ورا:ازعجتيني تراك انكتمي
لورا عصبت:مو انا اللي قلتلك خذني معاك انت الي قلت تعالي ودحين تقول ازعجتيني
وليد:مزاجي وبعدين لمن انا اقولك تعالي معايه تجي اقولك اجلسي تجلسي اقولك كلي تراب وانكتمي تنكتمي
لورا بصراخ:ليه انا عبده عندك
وليد ازعجه صراخها وقف على جنب وعطاها كف بكل مافيه من قوه:ايوه عبده مو يكفي اني جايبك عندي بعد ماابوك كان ناوي يودي وحده فيكم دار الايتام لو ماانارفضت انه يرميكم هناك واستقبلتكم يعني تسلمي على يدك وجه وقفا سامعه
ورجع حرك السياره هوه كان ناوي ياخذها عشان ينبه عليها على المصروف انه لوهوه نسي هيه تذكره هوه مجبور انه يصرف عليها بس هيه نرفزته خلته يقلب الموضوع
وليد مالف على لورا اللي عدلت جلستها من دون ماتنزل أي دمعه رغم انه قلبها نزف الم وليد يستغل الفرص عشان يذلها ويهينها ولمن وقفو عند المدرسه لورا لفت تاخذ كتابها ووليد قفل البيبان لمن رجعت لورا بتنزل لقيت الباب مقفل لفت على وليد اللي كان مادلها مبلغ
وليد من غيرمايطالع فيها:خذيها عشان تنزلي
لورا:ماابغاها
وليد:خلاص خليكي مراح اخليكي تنزلي الاوهيه معاك
لورا طالعت فيه بحقد والنار تحرق صدرها اتمنت لوانها تتفل في وجه بس مسكت نفسها
وليد طالع فيها وتنرفز من نظرتها:نزلي عينك
لورا مانزلت عينها ونفس النظره في عينها
وليد قرب منها ورص على فكها :لورا ترى يمديني اضيعك باي طريقه لو بالدراسه
مافهت لورا قصده بس لمن قال الدراسه خافت وبعدة عينهاوليد بعدها عنه بقوه:خذي الفلوس
لورا اخذت الفلوس ولمن جات بتطلع مسك وليد يدها بقوه:ثاني مره اسمعي الكلام ولاتعاندين وتجيبي الاذى لنفسك
وسيبها
لورا على طول طلعت وهيه تغلي دخلت المدرسه واخذت نفس وغمضت عينها تبعد الدمع اللي فيها ورسمت احلى ابتسامه وراحت ل وداد والبنات اللي رحبوبها بفرحه وكل وحده تتكلم عن الماده اللي ختمتها
وداد كانت جمب لورا همستلها في اذنها
وداد:لورا ايش اللي في خدك مين ضربك
لورا:لابس تضاربنا اناواخويه وتعرفي الشباب يدهم قويه ليه مره واضح
وداد:واضح انه مولع منك اصابعه كانه راسمها بالقلم الاحمر
لورا ضحكت:هههههههههههههههههه الله ياخذه غبي
وداد:الله يعينك صراحه اخوك متوحش
لورا ببتسامه :ويعين الجميع الاتعالي هذي المساله فاهمتها
وبدئو البنات يشرحولبعض




رد مع اقتباس
  #5  
قديم 10-07-2010, 10:39 AM
قمر حواء جديدة
 

 

Saudi-Arabia







افتراضي

الجزء الثالث:
الفصل الثاني:
في بيت ابوفهد:
في المجلس ابوفهد وفارس جالسين
ابوفهد:والله مااعرف ياولدي بس ترى كلامه صح هوه خايف على مستقبل عياله ومحد يلومه
فارس:بس انامااعرف ادير الشركه لحالي
ابوفهد:بس لمن تفك الشراكه ماراح تنهد مزانية الشركه
فارس:عم حمد يقول هوه مزبط كل شيء ولوانتبهت كويس ماراح يصير أي غلط وكل شيء حيبقى على حاله بس انامااعرف للشركات وهذي المواضيع
ابوفهد:والله حتى انا ماعرف ياولدي
فارس:خلاص طيب
ووقف فارس بيطلع
ابوفهد:ايش بتسوي
فارس ابتسم:لاتشيل هم انا بتصرف
وطلع فارس من الغرفه وهو مو عارف ايش يسوي
::
::
::
::
عدت الايام وفارس لورا شاغلته وموضوع الشركه كمان كان يفكر كيف يتصرف ويفكر كيف يقابل لورا يوم الخميس حس برغبه فظيه في مقابلتها وكمان اخواته كل يوم يكلمونه يبغونه يجي وهوه رافض وحلفت عليه ود اللي شتاقتله انه يجي وقالها انه في وقت ثاني مودحين وكلمته امه انه ابوبدر بيسافر فترت الاختبارات وقالتله يجي وبالقوه وافق
::
::
::
لورا مستمره في التختيم وحابسه نفسها في الغرفه وسارت حتى وقت الفطور ماتنزل الابعد ماتتاكد انه وليد مشي بعدين تنزل ويوديها احمد
::
::
::
::
يوم الخميس لورا كالعاده حابسه نفسها في الغرفه وتذاكر بعد ماتجهزت للروحه مع انه الوقت بدري بس عشان ماتقطع على نفسها الدراسه
حست انها جيعانه وقالت بتنزل تحط لنفسها اكل وتطلع تاكل فوق نزلت تحت وهيه تتمنى انه وليد موفيه بس خاب املها وكان وليد جالس يقرى الجريده انتبه لها وهيه نازله
وليد:على وين
لورا:بحطلي اكل
وليد طنش وهيه كملت طريقها وبعدين طلعت ومعاها ساندوتش كالعاده اكلها المفضل
وليد:لاتنسي اليوم خميس تراك بتروحي
لورا:وليد بس انااذاكر بلاشي أ....
قاطعها وليد وهوه يقرا الجريده:من غير نقاش لاسبوع الجاي طيب لكن الاسبوع هذا بتروحي وقلت طيب الاسبوع الجاي عشان الاختبارات وعشان ساره في البيت وماابغاها تجلس لوحدها
لورا:طيب حتى اليوم الاء بتجلس
وليد:مين قالك الاء بتمشيي
لورا:ليه هيه مو عندها اختبار
وليد:عندهابس خلصت امس وبيقيلها مراجعه بتخلصها بكره وموكاني اعطيتك وجه خلاص انا قلت امشي تمشي من غير نقاش او فلسفه
لورا لفت بتطلع الاخلود وراها خلود ماكانها شايفتها معطيتها طناش جلست جنب وليد ببتسامه :حبيبي بتمشي معانا اليوم عند اهلي
وليد نزل الجريده:ماادري
خلود بدلع:لاحياتي بليز خلينا نمشي كلنا وبعدين بابا الاسبوع اللي فات سال عنك
لورا ماسمعت الباقي لانه قفل الاصنصيل:وعععع وع وع وع وتدلع كمان والله احس اني كرهت اللي فيدي منها جد الدلع مايركب الاعلى اصحابه بس مشكلة العجايز هذي الايام يسو الاشياء حتى لو ماتركب عليهم
دخلت غرفتها وكملة دراسه الين ماناداها احمد بيمشو مشيو كلهم ومعاهم وليد
قبل مايطلعو من البيت وليد لف على لورا:غطي شعرك
كلهم كانو طالعين بس لفو على لورا اللي ماسكه دنا بيدها
لورا:ايش اغطي انا ماتعودة اني اغطي
وليد بهدوء وكانه ماسمعها:غطي شعرك
لورا عصبت منه لانه مطنشها
احمد اشر لاخوانه يطلعو وطلعو كلهم
لورا:اناقلت ماني مغطيه موعلى كيفك حتى الغطا تتدخل فيه انا اسوي اللي ابغاه مو انت تجبرني وانا دحين ماابغى اغطي
خلصت كلمتها وقرب وليد منها ورجعت هيه على ورى وليد سحبها من معصمها وهيه فلتت دنا اللي رجعت على ورى من الخوف وليد مسك يدها بقوه لدرجة انه عورها:بماانك خايفه تقولي شيء منت قده ليه هاه
ظربها بقوه على فمها :ولابس طولت لسان
دفها عنه وكانه متقرف منها:ماابغاك تروحي وفيك اثار وتتفشلي فاحسلك حطي الطرحه على شعرك
لورا حطت يدها على فمها اللي نزل منه الدم وكان يئلمها بس مستحيل تسمع الكلام بهذي السهوله طالعت في وليد بنظرة عناد:اناقلت مابالبس طرحه
وليد ابتسم بس قبل مايتكلم دخلت خلود اللي ملت من الجلسه برى مسكت وليد من يده:خلاص حبيبي طنشها خلينا نمشي ترى ملينا وبعدين انت منت مهتم اذا غطت او لا خلاص سيبها
وليد طالع في خلود:ايوه ماني مهتم بس مو حاب احد يشوفني مع حقيره زيها سمعتي تهمني
خلود:محد داري عنهاطنشها
وليد:طيب يالله امشي
وطلعو ولورا مسكت دنا ومشيو والدم ينزل من شفتها اللي انتفخة ركبت السياره ودنا كانت في حضنها والهدوء مالي السياره لورا اخذت معاها كتابها عشان لو ملت
وصلو بيت ابو فهد ونزلو كلهم من السياره البنات ولورا سلمو على الحريم وطلعو عند البنات في غرفة وضحى وكان في عهود اللي صافحة لورا مصافحه ولورا اصلا مهي معطيتها وجه وسلمت على البنات ووضحى طالع فيها بنظرة استصغار من فوق لتحت بعكس نوره واحلام وتولين اللي ستقبلوها احسن استقبال بس شويه صارو يسولفو بسواليف هيه مالها فيها زي لمن راحو الاستراحه المره اللي فاتت لورا مشيت مع دنا اللي اصرت تطلع جلست في الحوش والبزران يلعبووهيه تذاكر حست نفسها ميته نعاس بس قاومت النوم وهيه تحك عينها هيه صاحيه من قبل الفجرعشان تذاكر وطبيعي تنعس بس ماتقدر تنام اول حاجه عشان دنا ثاني حاجه ماتقدر تنام في الحوش لو احد عدا كانت تقاوم الين مانامت وهيه جالسه كانت جالسه تحت شجره والكتاب في يدها وراسها مايل والشمس عليها كان شكلها يهبل ونعوم
::
::
::
::
فارس في غرفته يكلم حمد
فارس:عمي امهلني فتره بسيطه بس
حمد:ياولدي خذ راحتك انا بس كنت بطمن عليك
فارس:سامحني ياعمي اخرتك بس ادور احد اوكله على الشركه
حمد:افا ياولدي لاتقول كذا ماعليك مني
فارس:مشكور عمي
قفل فارس من حمد وحس بالامتنان له اتنهد بضيق وانسدح على السرير نفسه ينام امس مانام كل مايبعد عنه فكرة الشركه طلعتله لورا ويفتكر شكلها ويفكر انه نفسه يلمحها وبعدين يكذب نفسه انه يبغى يشوفها عشان يعاندها بس
فارس اتنهد:خليني انزل بس
نزل فارس وهوه في الصاله كان سعود طالع ولمن انتبه ل فارس راحله جري
فارس رفع سعود عالي وهوه يضحك وسلم عليه
فارس وهوه شايل سعود ومبتسم:هاه سعود كيف حالك؟!!؟
سعود:انا طيب بس نزلني خلاص انا رجال مو بزر
فارس وهوه ينزله:هههههههههههههه اموت على الكبار
سعود مسكه: تعال العب معايه
فارس:بس انابروح عندالرجال
سعود:اية رجال مافي غير الشباب وعمي وليد هنه عند جدي وواقف بيمشي تعال العب معايه هنه كلهم بنات مايعرفو يلعبو كوره
فارس مشي معاه:امرنا لله يالله طيب
وطلع فارس مع سعود ولعب معاه كوره وشات الكوره وراحت بعيد وصار سعود يجري وراها وراح وراها سعود ولحقه فارس لانه خاف عليه يطلع لانه الباب مفتوح والكوره راحت جهة الاشجار اللي عند الباب وانتبه باحد نايم طالع وكانت هيه لورا نايمه راح جهتهاوقلبه يضرب طبول وكان شكلها يجذبه نزل وجلس عالارض قدامها بالزبط ومايفصل بينهم أي شيء وقلبه يضرب طبول طالع في ملامحها الهاديه من عيونها الوساع وخشمها الحاد وبشرتها الصافيه المورده لشفايفها الصغار بس كانت منتفخه وبدون شعورمنه مد يده ومررها بنعومه على شفتها المجروحه بس عورها عقدة حواجبها وفتحت عينهاوشافت فارس قدامها انصدمة بس قبل ماتنطق جاها صوت وليد الساخر:هذا وهوه مابينكم شيء
لفو الاثنين مصدومين على وليد المبتسم
وليد:مابينكم شيء وجالسين لوحدكم في الحوش وهوه قريب منك لهذي الدرجه
فارس وقف:عمي ال...
قاطعه وليداللي قرب من لورا وسحبها من يدها وتعدو من فارس وهوه واقف راح وليد من غير لايهتمم للورا عليها عبايه او لا فتح باب السياره ودفها فيها وركب جهة السايق وحرك بسرعه مجنونه
فارس ضرب راسه بيده وسند جسمه على الشجره:ياربي كل مااقابلها يصير شيء زي كذا ليه
جلس وهوه ساند راسه بيده نزل يده وهوه يتنهد:شكله مو ناوي على خير الله يستربس
وانتبه بكتاب على الارض رفعه وكان مجلد ومرتب ومكتوب فيه اسم لورا وفصلها ابتسم وفتح الكتاب وكان نظيف الامن تعليقات جنب المسائل واسئله واجوبه وفي نهاية الكتاب كان فيه رسمة بنت من قفاها وشعرها طويل البنت كانت مرسومه بالمرسام ومكتوب فوقها وكانه البنت تتكلم زي طريقة القصص:وداد,مها,رغد,ندى.نهى,دلال صحباتي حبايبي من دونهم حياتي ماتسوى
ابتسم فارس واخذ الكتاب ورجع غرفته وحط الكتاب على السرير وانسدح جنبه قلبه لساعه يضرب بسرعه حط يده على قلبه وهوه ياخذ نفس وابتسم وغمض عينه:معقوله قلبي دق لها لامستحيل هذي طفله مستحيل انا على اخر عمري احب طفله اكيد قلبي يدق خايف عليها ايوه مستحيل يدق لها حب
قعد فارس يفكر في هذي الافكار الين مانام
::
::
::
::
في سيارة وليد الي مسرع ولورا ميته رعب وجالسه جنبه وساكته
وصلو بيت وليد ونزل وليد وراح جهت لورا اللي كانت مصنمه في مكانها وفتح الباب وسحبها من يدها وطبق الباب باقوى مايملك ودخل البيت ودخل الغرفه ورماها على الارض:ماباسالك دحين ايش فيه بينك وبينه دحين مو احد قالي دحين انا شوفتك بنفسي معاه لحالكم وقريب منك ومابقي غير شويه ويحضنك هذا ايش تقولي عنه بالغلط برضو صح
وسحب العقال وصار يضرب فيها وهوه يسبها من غير مايهتم لصراخها وترجيها الين ماتعب
جلس عالكنبه وهوه ياخذ نفسه تفل عليها وهيه منهاره تبكي عالارض ودم خفيف ينزل من فمها
وليد وصوته تغير من العصبيه:لوكنت بهذي الحقاره في بيت ابويه بكيفك لكن هنه لا انا تعبت وربيت بناتي وبنيت سمعتي بعيد عنكم وتجين انت وبالساهل تبغي تشوهي سمعتي لاوالله مااسيبك ولوابويه دلعك وماعرف يربيك او انشغل عنك انا حاارجع اربيك من اول وجديد وانا نبهت عليك يالورا راح اظيعك لو في دراستك
وقف وطلع من الغرفه وسابها طايحه عال الارض
لورا كان جسمها كله يئلمها وشاب نار تحسه مولع من الحراره حست بالم فضيع في صدرها والتنفس انعدم من الغرفه وصارت تحاول تسحب نفس بس مافي فايده ومهي قادره تتحرك للحمام عشان تغسل وجها رفعت راسها ودموعها على خدها وجسمها انتفض نفضه قويه والرعشه مهي راضيه تخف وهيه تحاول تسحب هوا وفاتحه فمها واخيرا دخل الهوا لجسمها اخذت نفسها وصارت تكح بشكل قوي والم صدرها ماخف صارت ضاغطه على صدرها واتمنت لوانها اخذت الدوا من البيت بس خلاص الوقت تاخر هيه لها اسبوعين ماتشربه اكيد حتتنوم في المستشفى بس هيه ماتبغى احد يعرف انه هيه معاها مرض القلب وربو ماتبغى بدا الالم يخف ارتاحت لورا وسندة راسها على الكنبه ونزلة دموعها اتمنت لورولا جنبها كانت حتجري بالدوا وحتجلس عندها الين ماتنام همسة:رولا انامحتاجتك رولا
وانزلت دموعهاوالالم ماختفى بس خف نامت عالارض اول ماراح الالم
::
::
::
في بيت ابوفهد
حطو العشاء عند الحريم وجلسو البنات كلهم
ام فهد:خلود لورا وينها
هند:ايوه صح دنا هنه هيه وين مو كانت عنندكم يابنات
ساره:ماادري بس هيه قالت بتطلع مع دنا عشان دنا ملت
احلام وقفت:انابروح اشوفها يمكن جالسه برى
طلعت احلام تدور عليها ورجعت الكل طالع فيها
احلام بستغراب:مالقيتها
ام فهد انفجعة:ياويلي البنت لايكون صارلها شيء
وفاء(اخت خلود الكبيره):الله يهديك يالغاليه ايش فيها يعني البنت موبزر عشان تخافين
هند:انت ايش تقولي اكيد بتخاف عليها هذي امانه... احلام حبيبتي روحي كلمي احمد يمكن تكون معاه ولو مهي معاه قوليله يدور عليهابرى انا بدور في البيت
وفاء:الولد يتعشى تقومينه عشان الهانم مهي فيه
هند طنشة وفاء واشرت لااحلام تروح وراحت احلام جهت الرجال اللي كانو يتعشو ونوره وتولين والخدم وهند دورو بالقصر
دخلت احلا عندالرجال وهيه تجري الكل رفع عينه عليها احلام عدلت وقفتها وهيه تاخذنفس وبلعة ريقها:احمد ماتدري وين لورا
احمد:اشبها لورا؟!!؟
احلام:ماادري قالت بتطلع مع دنا ودحين البزران كلهم جالسين يتعشو وطلعنا ندور على لورا ماحصلناها تقولك ماما دور عليها بره وهيه بتدور في البيت
وقف احمد وهوه ميت خوف وطلعو الشباب يدورو معاه وصارو يدورو في البيت وراحو جهت المسبح وبرضو مهي فيه
عادل لف على احمد:يمكن راحت مع ابوك
احمد:مستحيل بس بجرب ادق عليه
ودق على جوال وليد وكان مقفل
خالد:طب روح البيت يمكن رجعت
عبدالعزيز:انت روح البيت واحنا ندور هنه مره ثانيه
احمد:اوكي
وراح احمد لسيارته وحرك رايح على بيتهم وصل البيت ونزل وساب السياره شغاله دخل وشاف وحده من الخدم
احمد:انسه لورا هنه
الخدامه:ايوه
احمد بستغراب:مع مين جات
الخدامه:مع استاز وليد
احمد:وينها
اشرتله الخدامه على غرفة بجمبه دخل بسرعه وانصدم من لورا اللي كانت نايمه على الارض وشعرها مغطي وجها قرب من عندها ورجع شعرها ورى اذنه وانصدم من خدها اللي كان فيه خطين لونهم اخضر بسبب ضرب وليد لها
فتحت لورا عينها وانتبهة لاحمد وجلسة
احمد وقف وهوه مصدوم من العلامات اللي على يدها:لورا ايش هذا؟!!؟
لورا بلعت ريقها
احمد بلع ريقه وهوه عاقد حواجبه:هذا من ابويه
لورا هزت راسها وهيه تبلع غصتها
احمد انصدم كيف ابوه يكون بهذي الوحشيه والهمجيه مستحيل هذا ابوه قدوته
همس احمد:ليه ايش صار انت كنت في بيت جدي ودورنا عليك قلبنا البيت فوق تحت وماحصلناك الكل قلقان عليك
لورا كانت بتتكلم بس رجعلها الالم انحنت على قدام لانه الالم كان مره قوي
خاف احمد من حركتها هز كتفها وهوه خايف:لورا لورا اشبك لورا
لورا بدا الام يخف بس ماراح اعتدلت في جلستهاوهيه تاخذ نفس
احمد خاف عليه التعب باين فوجها الاحمر:قومي اوديك المستشفى
لورا:ماله داعي
احمد:موبكيفك قومي
سحبها احمد من يدها واسندها وقبل مايطلعو همست لورا انها بتطلع تغير وتجيب بطاقتها
طلعت لورا وغسلت وجهاوغيرت لبسها واخذت عبايتها الثانيه ونزلت وكان احمد يكلم عادل انه لقي لورا في البيت رجعة مع ابوه
لورا كانت مظطره انها تمشي عشان تشتري الدوا
وهمه في السياره
لورا :احمد ترى انا مريضه بالقلب ومعايه الربو
احمد انصدم:ايش واهلك دارين
لورا:ايوه لاني مريضه من يوم منولدت ودحين زاد الالم لاني ماجبت دوايه معايه وهوه المفروض كل يوم اشربه
احمد اخذ نفس :الله يعين بس
وصلوالمستشفى ونزلو واحمد ماسك لورا اللي الالم زاد عليها ودخلو الطواريء وكشفو عليها حطولهااكسجين والدكتور معصب لف على احمد:انتو ماتعرفوانه معاها القلب
احمد اخذنفس:الانعرف
الدكتور بعصبيه:طيب وايش هذا الاهمال ليه ماتاخذ الدوا بنتظام انت عاجبك الحاله اللي وصلتلها
احمد ساكت
الدكتور بعصبيه:دحين بنكتبلها تنويم بس لو اتكرر هذا الاهمال ممكن ينسد عندها شريان ونظطر نسوي لها عمليه سامع
وكتبلوها تنويم واحمد جلس عندهاوبعد ماطلعو الممرضتين
احمد:ارتحتي دحين لمن لقيت تهزيء
لورا ابتسمة والاكسجين في فمها:اسفه
احمد:نبلعها هذي المره عشانك تعبانه
وعم الهدوء المكان بس قطعه صوت جوال احمد اللي كانت نغمته حامد زيد
بسوي مثل ماشوفك تسوي
وافعل افعالك عشان...
طلع احمد جواله من جيبه وكان عبدالله
رد احمد:هلا والله بالحبيب
صرخ عبدالله:اية حبيب وانت لحد الان ماجيت احمدوووه لاتتهرب مني
احمد بعد السماعه ولمن هدي الصراخ رجع الجوال لاذنه:هههههههه لا والله حرام عليك مااتهرب
عبدالله:لوانك ماتتهرب كان جيت الاثنين لمن ناديتك قلت ماتقدر هذا الاسبوع عشان الاختبارات دحين ليش ماجيت ليكون الجمعه عندك اختبار
احمد:هههههههههههه لابس مشغول مااقدراجي
عبدالله:مافي تجي دحين بسرعه انااستناك
احمد:والله مااقدر اجي
عبدالله:ليش انشاءالله ماتقدر
احمد:لازم تعرف
عبدالله:ايوه
احمد:انا في المستشفى
عبدالله بخوف:سلامات اشبك
احمد بتردد:موانا اممممم هذي لورا
عبدالله بخوف صرخ صرخه خلا اللي في الغرفه كلهم يسكتو:لوار
احمد:ليش ماقلتلي انه معاهاالقلب
عبدالله بلع ريقه وصوته شوي عالي بالنسبه للغرفه الهاديه اللي هوه فيها:ماجافبالي اقولك توقعت انه مابيحتاج الموضوع لواستمرت على العلاج
احمد:مهو الهانم ماجابت العلاج معاها
عبدالله انا متاكد انهاجابته لانه سالتها واحنا في الطريق قالت جبته
احمد:ماادري شوفها تقول انها ماجابته معاها
عبدالله:ااه ياربي انا بتجيني جلطه بسبت الغبيه هذي
احمد ابتسم:وترى حتى لواستمرت في العلاج لوعصبت او زعلة تضرر
عبدالله:طب احد عندكم
احمد:لا
عبدالله طب مستشفى ايه انادحين جاي
احمد علمه عالمستشفى وقله يجيب معاه عشا
لورا وهيه مغمضه عينها:ليش علمته
احمد:عشان ابغاك تشوفينه ويصير هوه يجلس عندك وانا اروح البيت
عدت فتره قرابت الساعه ولورا غطت في النومه بعمق واحمد يلعب في جواله
اندق الباب
احمد وقف يفتحه ودخل عبدالله وقبل مايتكلم اشرله احمد بصباعه انه يسكت
ودخل عندها وهوه مشتاق لها وخايف عليها انقبض قلبه اول ماشاف الخطين اللي على وجها ولف على احمد اللي هزاكتافه بمعنى انه مايعرف سببها
قرب عبدالله الكرسي وجلس عليه ومسك يدها البارده وصار يمسح عليها بحنان وهوه نفسه يحضنها باقوى مايملك موقادر يصدق انه سبوعين بس وتغير شكلها زي كذا
صحيت لورا لانه نومتها اصلا كانت نومت تعب وابتسمت لمن شافت عبدالله اللي وقف وحضنها بخفه بعد عنها ومسح على شعرها ويسلم على راسها لورا جات بتنزل الكمام بتكلمه بس هوه مسك يدها يمنعها
عبدالله بحنان:خليه حبيبتي لاتنزليه
لورا سكتت ونزلت يدها عبدالله دق جرس وبعد دقايق جات الممرضه
عبدالله ياشرلها عالاكسجين:مافي مشكله لو نزلته
الممرضه:ليش تنزله
عبدالله:عشان تاكل
الممرضه:لا بلاشي تاكل الافضل انها تستنى الين موعد الفطور اما اذاكانت مصره اوكيه افتحه ولوتبغى تروح الحمام تنزله بس المغذي لا
عبدالله:شكرا
الممرضه:العفو
وطلعت
عبدالله لف على احمد:نخليها تستنى الين موعد الفطور
احمد:بماانها قالت الافضل خلاص نستنى الااذاكانت تبغى تاكل
عبدالله:هاه لولو تبغي تاكلي دحين ولا الفطور
لورا بصوتها التعبان من تحت الكمام:لااستنى
عبدالله ابتسم:يسلمو عليك البنات كلهم ورولا اتقولك لاتنسي هيه ومها ورغد وندى ونهى ودلال بيتعدوك وموتهملي واعطوني اغراض لك اعطيها احمد لمن يجينا اوكي
هزت لورا راسها بطيب وهيه تبلع غصتها وذكرياتها مع صحباتها تمر قدام عينها هيه ماتعودت تغيب عنهم اسبوعين لانهم حتى ايام الاجازات كانو يتجمعو بستمرار ودحين بتبعد عنهم طول حياتها
عبدالله مد يده يمسح على شعرها:لاتشيلي هم حبيتي انت سمعتي الكتور ايش قال لاتزعلي نفسك
احمد:يالله انااستاذن وبكره الصباح امر عليك اخذك عالبيت طيب
هزت لورا راسها بالموافقه
طلع احمد وجلس عبدالله يسولف ولورا مستمعه بصمت الين مانامت




رد مع اقتباس
إنشاء موضوع جديد  إضافة رد

رواية من الظالم انا او الزمن ؟!!؟ رومنسيه كامله



أدوات الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
رواية من الظالم انا او الزمن؟!!؟ لاتفوتكم روايه رومنسيه رائعه حربيه قصص - حكايات - روايات - Stories 4 29-02-2012 11:51 PM
برامج كامله مجاننا سالملاى برامج كمبيوتر - تحميل - تنزيل برامج - Softwares 1 05-05-2010 07:54 PM
العاب رائعة لوكسر و زوما كامله hanosh العاب - فرفشة - تسلية - Fun 4 01-04-2010 01:51 PM
رواية فارس أحلامي رومنسيه روووووووووعه بنت الحجاز قصص - حكايات - روايات - Stories 1 21-11-2009 08:47 PM
التفاح صيدليه كامله ^_^ شقاوة بذوق اعشاب - التداوي بالاعشاب - الطب البديل - Medicinal herbs 9 16-07-2009 01:56 AM


منتديات | منتديات عالم حواء | عالم حواء | العاب | شات سكس | حواء

جميع الأوقات بتوقيت GMT +3. الساعة الآن 02:45 PM.